Category: Hreyfihópar

Search my Blog:

Read my Latest Stories

Það er uppbókað í gistingu en hægt að gista á eigin vegum eða vera á tjaldsvæðinu. 

Um mánaðarmótin ágúst-september ætlum við að skoða hluta Stranda og raunar er þetta önnur tilraun til að fara þessa ferð enda þurfti að fella hana niður vegna veðurs í fyrra. Þetta er helgarferð og við tökum létta göngu á föstudagskvöldinu til að koma okkur í gang og svo þægilegar dagsgöngur um gamlar þjóðleiðir á laugardegi og sunnudegi. Við verðum með bækistöð við Steingrímsfjörð og skoðum einnig Bjarnarfjörð, Kollafjörð og Bitrufjörð. Í ferðinni ætlum við því að skoða landslagið vel og hinar ýmsu hliðar á náttúrunni (og bragða á berjum) en líka bregða okkur í laugar, borða góðan mat, pæla í sögum og menningu Strandamanna og eiga góðar stundir saman.
Farið verður á eigin bílum en við munum skipuleggja okkur og sameinast í bíla eftir föngum. Gist verður að Kirkjubóli og Víðidalsá við Steingrímsfjörð. Í boði eru sjö tveggja manna herbergi og eitt þriggja manna. Einnig er í boði að tjalda fyrir utan Kirkjuból og nýta aðstöðuna innan dyra. Að auki verður hægt að taka þátt í ferðinni án gistingar og velja sér gistingu annars staðar (aðeins 10 mín akstur á Hólmavík). Við verðum með morgunmat í félagsheimilinu Sævangi (skammt frá Kirkjubóli) tvo morgna og veislumat og kvöldvöku þar á laugardagskvöldinu. Víðidalsá er í 5 mín akstursfjarlægð frá Sævangi (7 km).

Fararstjórar verða Einar Skúlason og Elísabet Snædís Jónsdóttir frá Drangsnesi.

Þarna sjást Bæjarvötn og Bæjarfell af leiðinni um Bæjarháls á Drangsnesi.

DAGSKRÁ

Föstudaginn 30. ágúst
Gott er að miða við að leggja af stað frá Reykjavík kl. 15 miðað við að koma um kl. 18 í Steingrímsfjörð. Ef ekki er stoppað á leiðinni þá tekur aksturinn ca tvo tíma og þrjú korter.
Kl. 19 verður farið í létta göngu með útsýni yfir Steingrímsfjörð til að horfa yfir sviðið. Stefnt er að því að fara í mat á Café Riis í kjölfarið eða kl. 20, en staðurinn er víðfrægur fyrir pizzurnar sínar og fleira góðgæti.

Laugardaginn 31. ágúst
Við byrjum á morgunmat í Sævangi snemma morguns. Svo keyrum við út á Drangsnes, skiljum bíla eftir á lokastað göngu og keyrum á upphafsstaðinn við Kaldranarnes. Göngum svo gömlu þjóðleiðina um Bæjarháls. Ef einhver vill taka Bæjarfellið í leiðinni þá er það mögulegt. Gangan er um 6 km og uppsöfnuð hækkun um 200 m (án Bæjarfellsins). Gangan tekur ca þrjá tíma með stoppum (aðeins lengra ef Bæjarfellið er tekið með).
Eftir göngu verður farið í bað/sund á Drangsnesi eða í Bjarnarfirði og hægt að kíkja á galdrasýninguna á Hólmavík.
Um kvöldið verður lambakjötsveisla í Sævangi og kvöldvaka með sögum af Ströndum og söng og öðru skemmtilegu. Látið vita ef þið borðið ekki kjöt.

Sunnudaginn 1. september
Eftir frágang byrjum við á morgunmat í Sævangi. Svo verður keyrt í Kollafjörð og skildir eftir bílar og keyrt áfram í Bitrufjörð og gamla leiðin um Bitruháls gengin yfir í Kollafjörð. Vegalengd 9,5 km og uppsöfnuð hækkun rúmir 400 m. Gangan tekur fimm tíma eða rúmlega það með stoppum. Eftir að búið er að sækja bíla, þá liggur leiðin aftur suður. Best er að klára að keyra Strandaveginn um Hrútafjörð og þaðan um Holtavörðuheiði í bæinn.

LÍKAMLEGT FORM
Þetta er ekki krefjandi ferð og hentar breiðum hópi fólks. Heppilegar æfingar geta falist í göngum á Úlfarsfellið eða sambærilegt og gott að miða við þrisvar í viku þangað upp síðustu þrjár vikur fyrir ferð.

Ströndin í Kollafirði á Ströndum. Mynd: Jón Jónsson

VERÐ OG BÓKANIR
Verð með gistingu kr. 54.100 m/vsk
Verð miðað við tjald fyrir utan Kirkjuból kr. 35.000 m/vsk
Verð miðað við að gista á eigin vegum (innifalinn kvöldmatur eitt kvöld en ekki morgunmatur) kr. 29.000 m/vsk

Innifalið: gisting í uppbúnu í tveggja manna herbergjum eða tjaldað við Kirkjuból (og nýta salernis- og eldhúsaðstöðu innandyra), morgunmatur tvo morgna og lambakjötsveisla (eða vegan) á laugardagskvöldinu og leiðsögn/fararstjórn.
Ekki innifalið: kvöldmatur á föstudagskvöld eða nesti og athugið að fólk þarf að koma sér sjálft norður í Steingrímsfjörð og á milli göngustaða. Við munum skipuleggja samvinnu í bílamálum í lokaða Fb hópnum um ferðina, bæði samnýtingu bíla frá höfuðborgarsvæðinu og á milli göngustaða.
Lágmarksfjöldi er 15 manns.

Bókanir fara fram á https://www.sportabler.com/shop/vesenisferdir (þið smellið á tengilinn “bóka núna” hér við þessa færslu, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Það er hægt að dreifa greiðslum á nokkra mánuði og enginn vaxtakostnaður af slíkum ráðstöfunum í Sportabler.
Athugið að ef bókunarkerfið þvælist fyrir ykkur þá er hægt að taka frá pláss í ferðina með því að greiða staðfestingargjald kr. 8.100 inn á reikning: 515-26-530314. Kt. 530314-0650. Senda afrit á einarskula@hotmail.com og merkja „Stragist“ eða „Stratjald“ (eftir því hvort þið viljið vera í gistingu eða tjaldi). Muna að fullgreiða sex vikum fyrir brottför.

Útsýni yfir Steingrímsfjörð frá Sjónvarpshæð. Mynd: Jón Jónsson.

SKILMÁLAR
Ígildi staðfestingargjalds í þessa ferð er kr. 8.100 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. 6 vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.
Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Í sumar verða tvær göngur yfir Fimmvörðuháls á dagskrá hjá Veseni og vergangi. Fyrri ferðin verður laugardaginn 6. júlí og seinni ferðin laugardaginn 20. júlí. Í báðum tilvikum eru sunnudagarnir til vara ef veðurspá er slæm fyrir laugardaginn.

Mjög vinsælt er að ganga frá Skógum milli Eyjafjallajökuls og Mýrdalsjökuls yfir Fimmvörðuháls yfir í Goðaland og Þórsmörk. Nafnið er dregið af fimm vörðum er stóðu þar nokkuð þétt til að vísa leiðina í dimmviðri. Fyrrum ráku bændur undir Austurfjöllum ær sínar þarna um yfir í grösuga sumarhaga en því var hætt árið 1917. Að mestu leyti er þó gott að fara Fimmvörðuhálsinn og stálpuð börn fara gjarnan þessa gönguleið með foreldrum sínum. Vorið 2010 gaus á Fimmvörðuhálsi og mynduðust gígarnir Magni og Móði og rann hraun yfir gamla slóðann. Sá nýi liggur um hraunið og hægt er að fara upp á annan eða báða gígana. Stórkostlegt útsýni opnast þegar leiðin fer að lækka niður í Þórsmörk og lætur fáa ósnortna.

Við tökum rútu frá Reykjavík (Hádegismóum við prentsmiðju Morgunblaðsins) kl. 7 að morgni og göngum upp frá Skógum. Í Básum bíður rúta og við komum því aftur í bæinn um kvöldið. Reynslan sýnir að við komum á bilinu kl. 22 til miðnættis í bæinn.

Hámarksfjöldi í ferðina er 35 manns (lágmarksfjöldi er 18 manns).

Einn af fjölmörgum fossum í Skógá er Skálabrekkufoss sem sést þarna í sinni glæsilegu umgjörð.

LÍKAMLEGT FORM
Gangan frá Skógum og yfir Fimmvörðuháls að Básum er ca 23 km, uppsöfnuð hækkun ca 1100 m og göngutími 9-12 tímar (fer eftir aðstæðum). Það segir sig sjálft að fólk þarf að vera líkamlega tilbúið í svona áreynslu, sem samsvarar því að ganga tvisvar í röð upp að Steini í Esjunni og bæta nokkurri vegalengd við það í snjó. Þannig að æfingar eru nauðsynlegar fyrir ferðina og best að æfa sig í göngu. Upplagt er að fara fimm sinnum upp að Steini eða sambærilegt síðustu þrjár vikurnar fyrir ferð.

NESTI OG ÚTBÚNAÐUR
Takið með ykkur gott nesti og fínt að hafa viðbótarbita í rútunni til að eiga eftir göngu (að auki má geyma aukaskó og föt í rútunni til að eiga eftir göngu). Einnig þarf að vera vel útbúin, í góðum skóm sem þola að ganga í blautum snjó, vera með skel í bakpokanum sem þolir vind og vætu, vera með einangrandi millilag og með góða húfu og vettlinga. Takið með aukapeysu eða létta úlpu til að klæðast í nestinu. Göngustafir geta gagnast enda draga þeir úr álagi á hné og mjaðmir.

VERÐ OG BÓKANIR
Verð kr. 25.000 m/vsk
Innifalið er fararstjórn og rúta frá Reykjavík á upphafsstað og til baka frá endastað göngu.

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu. Greiðsla jafngildir bókun. Greiðið inn á reikning 0515-26-530314 kt. 530314-0650 og sendið staðfestingu merkt „5vörðu6“ eða „5vörðu20“ á einarskula@hotmail.com.

Þarna sjást gígarnir Magni og Móði á Fimmvörðuhálsi.

SKILMÁLAR
Ígildi staðfestingargjalds í þessa ferð er kr. 7.200 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. sex vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.

Afbókanir: Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

 

Við verðum með tvær ferðir að Grænahrygg sumarið 2024. Í báðum ferðum ætlum við að skoða Grænahrygg og fleira fallegt af hlaðborði náttúrunnar að Fjallabaki  og verða þær með viku millibili laugardaginn 10. ágúst og laugardaginn 17. ágúst (ef veðurspá er óhagstæð þá er sunnudagurinn til vara í báðum tilvikum). Athugið að ekki er í boði að ganga að Grænahrygg og sömu leið til baka, báðar ferðir hefjast í Kýlingum og enda í Landmannalaugum.

Við tökum rútu frá Reykjavík í bítið og keyrum austur að Fjallabaki og göngum af stað frá Kýlingum. Þaðan er farið um Halldórsgil og Sveinsgil að Grænahrygg. Áfram er haldið meðfram hinum litríku Þrengslum og yfir í Hattver og um Uppgönguhrygg þar sem enn bætir í litadýrðina. Þaðan er farið í hlíðum Skalla og á Reykjakoll þar sem sést í Brandsgilin og yfir Landmannalaugasvæðið. Við lækkum okkur svo niður og göngum á jafnsléttu í lokin inn í Laugar. Alls er gangan ca 20 km og 1100 m uppsöfnuð hækkun.

BROTTFARARSTAÐUR

Við tökum rútu frá bílastæðinu við prentsmiðju Morgunblaðsins og hún leggur af stað kl. 7 að morgni.

Hægt er að koma upp í rútuna við Olís á Selfossi, en þið verðið að láta vita.

Athugið að við verðum með rútuna allan daginn, þannig að það er tilvalið að geyma með tösku þar á meðan við göngum. Í þessari aukatösku geta t.d. verið föt og skór, aukanesti og drykkir.

VEGALENGD OG TÍMI

Vegalengd: ca 20 km

Heildarhækkun: ca 1100 m

Göngutími með stoppum: ca 10 tímar

 

UNDIRBÚNINGUR

Það þarf að æfa fyrir göngu sem þessa enda er töluverð hækkun á leiðinni auk vegalengdarinnar og þá þarf jafnframt að vaða. Besta leiðin til  að æfa er að stunda göngur á fjöll með góðri hækkun. Esjan er upplögð í æfingar og til dæmis hægt að fara á Móskarðshnúka, Smáþúfur, Kerhólakamb eða einfaldlega upp að Steini. Gott er að miða við að minnsta kosti 500 m hækkun í hvert skipti og fara tvisvar í viku síðustu fimm vikur fyrir ferð. Þá er formið orðið gott og forsendur til að njóta ferðarinnar í botn. Gott er að nota búnaðinn í æfingunum sem þið ætlið að nota í ferðinni og muna að hvíla síðustu tvo til þrjá dagana fyrir ferð.

 

ÚTBÚNAÐUR OG NESTI

Taka þarf góðan fatnað með miðað við veðurspá. Almennt séð er miðað við að taka skelina með (vind- og vatnsþéttar buxur og jakka), vettlinga/hanska og húfu. Betra er að taka vel gengna gönguskó en glænýja og vaðskó að auki (t.d. teva, crocs, gamla strigaskó eða annað sem hentar). Gott að vera í ull að ofan en ef þið eruð í göngubuxum þá eru ullarbuxur óþarfar (nema að þið ætlið að ganga í skeljabuxunum og viljið vera í ull þar fyrir innan og sleppa göngubuxum). Takið með göngustafi, góðan dagspoka, aukaúlpu t.d. dún eða primaloft til að klæðast í nesti og aukasokka til að hafa möguleika á að skipta í miðri göngu. Það eru lækir á leiðinni, en eflaust gott að hafa hitabrúsa með kakó/te/kaffi, nesti sem er ykkur að skapi og dugar alla gönguna og nasl til að stinga upp í sig á leiðinni (hnetur, rúsínur, súkkulaði).

Takið með plástra og verkjalyf. Gætið þess að pakka í plastpoka eða vatnsþétta poka ofan í bakpokann ef það skyldi rigna.

Þetta er löng ganga og því tökum við að sjálfsögðu nesti tvisvar til þrisvar, stoppum öðru hvoru og gætum þess að fara á skynsamlegum hraða.

 

UNDIRLAG

Við göngum á slóðum á hryggjum og í grýttu og yfir ár. Þetta er fjölbreytt færi og því er betra að vera í gönguskóm en í léttum hlaupaskóm. En best er að vera í skóm sem ykkur líður vel í en gætið þess þó að botninn á skónum sé grófur. Munið eftir vaðskóm!

VERÐ OG BÓKANIR

Verð í ferðina er kr. 28.000 m/vsk

Innifalið: Rúta frá Reykjavík og til baka og leiðsögn.

 

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

 

Þá er einnig mögulegt að greiða með millifærslu. Greiðsla jafngildir bókun og merkið færsluna „Græni1“ eða „Græni2“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.

 

Ígildi staðfestingargjalds í þessa ferð er kr. 9.000 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. sex vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.

 

Afbókanir: Um afbókanir gilda annars eftirfarandi reglur:

Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.

Afbókun 20-8 dögum fyrir brottför: 50% fargjalds endurgreidd.

Afbókun 7-4 dögum fyrir brottför: 25% fargjalds endurgreidd.

Afbókun 3-0 dögum fyrir brottför: Engin endurgreiðsla.

Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka.

Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Því miður er uppbókað í þessa ferð (23/1’24).
Þetta er fjögurra daga ferðalag þar sem við förum um stórkostlegt landslag við ystu strandir, jarðtengjum okkur, skoðum og hlustum á náttúruna og fáum ferskt sjávarloft í vitin allan daginn. Við fylgjumst með rebba og ótrúlegu fuglalífi, sjáum öldurnar skella á klettaströndum og setjum okkur í spor þeirra sem bjuggu á þessum slóðum með því að rifja upp sögur af þeim um leið og við göngum. Við göngum dagleið fyrsta daginn í Hornbjargsvita og höldum á nesti til fjögurra daga, svefnpoka og þess háttar en kvöldmatur og morgunmatur er sameiginlegur og bíður okkar í vitanum.
DAGSKRÁ
Mánudagur 29. júlí Bolungarvík – Lónafjörður – Hornbjargsviti
Siglt að morgni frá Bolungarvík í Miðkjós í Lónafirði. Þaðan sem gengin verður yfir Snókaheiði að Hornbjargsvita í Látravík. Munum halda á svefnpoka, fatnaði og nesti til fjögurra daga fyrsta daginn og hafa bækistöð í vitanum í þrjár nætur en léttum pokann fyrir dagsgöngur tveggja daga. Athugið að í boði verður sameiginlegur kvöldmatur og morgunmatur sem verður í skálanum. Þátttakendur í ferðinni skipta með sér verkum í eldamennsku og frágangi.
Vegalengd þennan fyrsta dag er 14 km og ca 700m hækkun.
Þriðjudagur 30. júlí Hornbjargsviti – Hornbjarg – Hornvík 
Gengið á Hornbjarg og ef vel viðrar er stefnt að því að ganga með endilangri bjargbrúninni. Þá má ganga á Kálfatind en þaðan er stórfenglegt útsýni í björtu veðri en það er einnig magnað útsýni af Miðfelli. Eftir Hornbjarg er er gengið framhjá Hornbæjunum og til baka í Hornbjargsvita um Almenningaskarð. Þessi dagleið er um ca 20 km löng og heildar hækkun ríflega 1000m.
Við víxlum degi 2 og 3 ef það er hagstætt út frá veðurspá.
Miðvikudagur 31. júlí Hornbjargsviti og nágrenni 
Hér er margt að sjá og við eigum eftir að útfæra hvert verður farið miðað við veður. Í nágrenni vitans eru t.d. magnaðar bergmyndanir, eins og Blakkibás, Trogið og Fjalirnar, sem eru 60m háir berggangar sem rísa tígulega upp úr fjörunni. Mögulega tökum við góða göngu yfir í Hornvík og skoðum hana vel og hinn möguleikinn er að ganga Axarfjall í Hrolleifsvík og út á Bjarnarnes og um leið má ganga að fossinum Drífanda, sem fellur í sjó fram af 50m hárri bjargbrún. Það er því ekki ljóst með vegalengd og hækkun þennan dag.
Fimmtudagur 1. ágúst Hornbjargsviti – Veiðileysufjörður 
Við göngum frá Hornbjargsvita um Kýrskarð og niður í Hornvík og vöðum Hafnarósinn, sem er sendinn og þægilegur undir fót. Þaðan förum við upp í Hafnarskarð og áfram niður í botn Veiðileysufjarðar þar sem báturinn sækir okkur og skilar til baka á hafnarbakkann í Bolungarvík. Vegalengd þennan dag er 16 km og um 700m hækkun.
LÍKAMLEGT FORM
Hver og einn þarf að koma með svefnpoka og nesti fyrir alla dagana og fyrstu dagleiðina þarf að bera þetta á bakinu í skálann. Trúss er ekki í boði. Þetta er því nokkuð krefjandi ferð og mikilvægt að þátttakendur æfi vel vikurnar á undan. Varðandi æfingar er gott að taka tvær ferðir á viku upp að Steini síðustu sex vikur fyrir göngu eða sambærilegt. Notið bakpokann sem þið farið með á Hornstrandir og hafið a.m.k. 5 kg pokanum (gott að nota plastflöskur með vatni til að geta hellt vatninu ef eitthvað kemur upp á).
Umsjón
Einar Skúlason annast leiðsögn í þessari ferð. Hann stofnaði Vesen og vergang árið 2011 og Wapp – Walking app árið 2015 og hefur leitt gönguferðir um allt land og um allar Hornstrandir.
VERÐ OG BÓKANIR
Verð 105.000 m/vsk
Innifalið: sigling, gisting í skála, kvöldmatur þrjú kvöld og hafragrautur og kaffi á morgnana og fararstjórn/leiðsögn.
Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Athugið að það er ekki í boði að bóka ferð með því að greiða einungis staðfestingargjald. Það er hins vegar hægt að dreifa greiðslum á nokkra mánuði og enginn vaxtakostnaður af slíkum ráðstöfunum í sportabler.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 17.000 inn á reikning: 515-26-530314. Kt. 530314-0650. Senda afrit á einarskula@hotmail.com og merkja „hornbjarg“. Muna að fullgreiða sex vikum fyrir brottför (28. maí).
Þegar búið er að bóka ferð þá er hægt að sækja um aðgang að lokuðum hóp á Facebook. Þar verða ýmsar praktískar upplýsingar fyrir ferð og fleira.
Í fyrri ferðum hefur verið hægt að lækka verð fyrir aðildarfélaga Ferðafélags Íslands. Það er því miður ekki lengur leyft og því eru allir á sama verði.
Skilmálar
Ígildi staðfestingargjalds í þessa ferð er kr. 17.000 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. 6 vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.
Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Þá er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

23/1’24: því miður er uppbókað í þessa ferð.

Dagana 14.-17. júlí munum við fara um hin stórkostlegu Lónsöræfi í fjögurra daga gönguferð þar sem skriðjöklar, djúp gil og þröngir dalir blandast saman við litadýrð og fjölbreyttar klettamyndanir. Við komum saman við Stafafell í Lóni og skiljum bílana eftir þar. Tökum rútu sem keyrir okkur eftir þjóðveginum norður á Hérað og upp á Fljótsdalsheiði. Svo göngum við í fjóra daga með nesti og aukafatnað á bakinu, en morgunmatur og kvöldmatur verður sameiginlegur í skálunum. Gengið verður frá Sauðárvatni um efstu drög Víðidals og að Kollumúlavatni þar sem við gistum í tvær nætur og göngum um Víðidal og Tröllakróka. Þaðan göngum við niður í Múlaskála og tökum göngu um hin litríku Víðibrekkusker. Eftir gistingu í Múlaskála er gengið með Jökulsá niður í Lón.

DAGSKRÁ

Laugardagurinn 13. júlí
Athugið að vera komin austur í Lón laugardagskvöldið 13. júlí. Búið er að bóka gistingu á Stafafelli fyrir þau sem vilja í hópnum og hægt að vera í uppbúnu eða í svefnpokaplássi (ekki innifalið). Stefnum á að skutla bílum í Smiðjunes um kvöldið.

Sunnudagurinn 14. júlí
Komum saman snemma við Stafafell í Lóni, skiljum bíla eftir þar (verðum búin að skutla einum eða tveimur bílum upp í Smiðjunes) og tökum rútu kl. 8 um rúmlega þriggja tíma leið á Hérað og upp á Fljótsdalsheiði. Hefjum gönguferðina skammt vestan við Sauðárvatn og göngum gamla varðaða leið niður í Víðidalsdrög og vöðum Víðidalsána á Norðlingavaði og göngum að Kollumúlavatni þar sem skálinn Egilssel er og gistum þar næstu tvær nætur. Við eldum okkur sameiginlegan kvöldmat og tökum kvöldvöku.
Vegalengd göngu 17,5 km og 500 m heildarhækkun.

Mánudagurinn 15. júlí
Eftir frískandi hafragraut þá tökum við göngu niður í Víðidal, skoðum Náttmálafoss og nýtum okkur nýju göngubrúna til að komast yfir Víðidalsána og skoða tóftir Grundar þar sem búið var um skeið. Við snúum svo aftur í skálann og fáum okkur hressingu. Svo er komið að því að ganga að Tröllakrókum og við göngum fyrst upp á Tröllakrókahnaus og svo meðfram Tröllakrókum og njótum þess stórkostlega útsýnis sem þarna má sjá. Að sjálfsögðu tökum við bara nesti og viðlegubúnað fyrir daginn í þessum göngum svo að bakpokarnir verða léttir. Svo snúum við aftur í Egilssel og eldum kvöldmat og njótum samveru á kvöldvökunni.
Gangan í Víðidal er um 5 km og 350 m heildarhækkun.
Gangan í Tröllakróka er um 9 km og ca 450 m heildarhækkun.

Þriðjudagurinn 16. júlí
Eftir hafragraut og kaffi og frágang skálans þá göngum við niður að Múlaskála á bökkum Jökulsár. Þar léttum við bakpokana og öxlum þá aftur með nesti í dagsgöngu upp að Víðibrekkuskerjum.
Gistum í skálanum um nóttina og er hægt er að fara í sturtu í Múlaskála (kostar kr. 500 og þarf ekki að borga í klinki). Sameiginlegur matur um kvöldið og kvöldvaka.
Vegalengd niður að Múlaskála er 7,5 km og 200 m heildarhækkun (mun meiri lækkun).
Víðibrekkuskerjahringur er ca 9 km og 700 m heildarhækkun.

Miðvikudagurinn 17. júlí
Gengið frá Múlaskáli yfir göngubrúna á Jökulsá og þaðan upp á Illakamb og sem leið liggur í Gvendarnes/Smiðjunes. Þetta er talsvert löng dagleið og auk þess mikið upp og niður en áfram fylgir litadýrðin okkur og gróðurflesjur. Í Smiðjunesi verða einn eða tveir bílar frá okkur sem við notum til að ferja bílstjóra og sækja bílana við Stafafell.

Vegalengd ca 21 km og ca 900 m heildarhækkun.

 

UNDIRBÚNINGUR
Það er nauðsynlegt að undirbúa sig vel líkamlega fyrir gönguna með æfingum með bakpoka. Taka þarf göngur með góðri hækkun og hafa nokkur kíló í bakpokanum (vatnsflöskur). Nánar verður farið yfir undirbúning á fundinum.

 

VERÐ OG BÓKANIR
Í skála kostar ferðin kr. 79.000 á mann m/vsk (innifalið staðfestingargjald)

Innifalið: rúta, skálagisting í þrjár nætur með svefnpokaleigu (takið með lakpoka), hafragrautur og kaffi á morgnana og kvöldmatur öll kvöldin (maturinn verður að miklu leyti kominn í skálana), skipulagning og leiðsögn.
Þess má geta að allir þurfa að hjálpast að við eldamennsku, frágang, vatnsburð, kyndingu og fleira í tengslum við skálagistingu. Fólk sér sjálft um nesti. Það er ekki hægt að vera með trúss á þessari leið. Athugið að fyrir þau sem eru í tjaldi þá er tjaldsvæði og aðstöðugjald í skála innifalið.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Athugið að það er ekki í boði að bóka ferð með því að greiða einungis staðfestingargjald. Það er hins vegar hægt að dreifa greiðslum á nokkra mánuði og enginn vaxtakostnaður af slíkum ráðstöfunum í sportabler.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 13.900 inn á reikning: 515-26-530314. Kt. 530314-0650. Senda afrit á einarskula@hotmail.com og merkja lonsoraefi. Muna að fullgreiða sex vikum fyrir brottför.

Þegar búið er að bóka ferð er hægt að sækja um aðild að lokaða hópnum á Facebook. Þar verða margvíslegar upplýsingar fyrir ferð.

Hámarksfjöldi í ferðina er 19 manns. Lágmarksfjöldi 12 manns.
Haldinn verður undirbúningsfundur í maí eða byrjun júní þar sem fjallað verður um útbúnað og fyrirkomulag. Leiðsögn er í höndum Einars Skúlasonar.

SKILMÁLAR
Ígildi staðfestingargjalds í þessa ferð er kr. 13.900 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. 6 vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.
Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Þá er ferðin endurgreidd að fullu.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Uppfært 22/2’24: Það er laust fyrir þrjá í skála. Nokkur pláss til viðbótar laus í tjaldgistingu. 

Við ætlum í fjögurra daga trússaða ferð og kanna stórkostleg svæði við Borgarfjörð eystri þar sem ljós ríólít fjöllin eru áberandi innan um hefðbundin basaltfjallgarða. Við skoðum eitt stærsta sýnilega framhlaup jarðsögu Íslands, fræðumst um búsetu fyrrum á stöðum sem fóru í eyði á síðustu öld, skoðum staði sem tilheyra þjóðsögum um dverga, álfa, huldufólk og útburði og öndum að okkur sjávarlofti við strendur og fjallalofti efst í skörðunum. Þetta verður mikið ævintýri þar sem við þræðum Víkurnar, Loðmundarfjörð og Kækjuskörð. Gengið er frá Borgarfirði um Brúnavík, efstu drög Kjólsvíkur og yfir í Breiðavík. Þaðan er svo gengið yfir í Húsavík framhjá Hvítserki. Frá Húsavík er svo gengið um Nesháls yfir í Loðmundarfjörð og að endingu gengið frá Loðmundarfirði um Kækjuskörð til Borgarfjarðar. Trússað verður með viðlegubúnað og mat og gengið er með dagpoka. Val er um að gista í skála eða tjaldi. Leiðsögn annast Einar Skúlason.

 

Ofan Hraundals í Loðmundarfirði.

DAGSKRÁ

Mánudagur 8. júlí
Gott er að koma til Borgarfjarðar í síðasta lagi á mánudagskvöldinu. Hægt er að panta sér gistingu eða vera á tjaldsvæðinu. Gaman er að rölta um þorpið eða skutlast yfir að Hafnarhólma og skoða lunda og aðra fugla. Við tökum spjall í Álfacafé kl. 20 fyrir þau sem vilja.

Þriðjudagur 9. júlí Borgarfjörður – Breiðavík
Hittumst á bílastæði tjaldsvæðisins Borgarfirði kl. 8:30, setjum trúss í trússkerruna og skutlum bílum á bílastæðið þar sem gangan endar á föstudeginum. Sameinumst svo í bíla og keyrum að bílastæðinu við Hafnarhólma og göngum af stað þaðan upp í Brúnavíkurskarðið og þaðan niður í Brúnavík. Þar skoðum við tóftir og fallega fjöruna. Við göngum svo upp úr Brúnavík, um efstu drög Hvalvíkur og Kjólsvíkur og í Breiðavík þar sem við gistum í skálanum og á tjaldsvæðinu. Vegalengd ca 14 km og uppsöfnuð hækkun ca 800 m. Göngutími ca 6-7 tímar.

Miðvikudagur 10. júlí Breiðavík – Húsavík
Hafragrautur verður í boði, kaffi og svo trússið í kerru um morguninn. Við höldum upp Víknaheiði þar sem landslag einkennist af ljósgrýtisskriðum og frísklegum lággróðri. Þaðan göngum við upp með Hvítserki og niður Vetrarbrekkur í Húsavík. Það er mögulegt að taka göngutúr um kvöldið niður í Húsavíkina og skoða kirkjuna og fjöruna. Vegalengd er ca 14,5 km og hækkun samtals um 500 m. Gangan tekur um 6-7 tíma.

Fimmtudagur 11. júlí Húsavík – Loðmundarfjörður
Boðið upp á hafragraut í morgunmat með mjólkurdreitli og kaffi. Komum svo trússinu fyrir í kerrunni og höldum af stað. Gengið er upp Nesháls og niður í gróðursælan Loðmundarfjörð þar sem fjallið Gunnhildur blasir við handan fjarðarins auk margra annarra svipmikilla fjalla og tinda. Gistum svo í skálanum að Klypsstað.
Vegalengd ca 14 km og um 400 m uppsöfnuð hækkun. Göngutími er ca 6 tímar.

Föstudagur 12. júlí Loðmundarfjörður – Borgarfjörður
Boðið upp á hafragraut í morgunmat með mjólkurdreitli og kaffi. Trússið fer í kerruna eins og áður. Göngum framhjá Stakkahlíð og upp skriðurnar í einu stærsta framhlaupi landsins eftir að síðustu ísöld lauk. Leiðin liggur um Kækjuskörð og svo niður Kækjudal þar sem við stöldrum við hjá Kirkjusteini og Stórasteini og förum yfir þjóðlegan fróðleik þeim tengdum. Svo komum við niður að bílastæðinu þar sem bílarnir okkar bíða. Við hittumst svo á Álfacafé í mat til að fagna ferðalokum.
Leiðin er ca 15 km og um 700 m uppsöfnuð hækkun. Göngutími er ca 6-7 tímar með stoppum.

Ofarlega í Breiðavík

NESTI OG ÚTBÚNAÐUR
Haldinn verður undirbúningsfundur í maí þar sem farið verður nánar í ferðaáætlunina, útbúnað, mat, undirbúning og fleira. Athuga að ofgera ekki vistum í trúss og muna að það er boðið upp á hafragraut á morgnana og við stefnum á sameiginlegan mat á kvöldin. Hægt er að fara í sturtu í öllum þremur skálunum en það þarf að greiða sérstaklega fyrir það.

ÆFINGAR
Mikilvægt er að æfa sig vel fyrir svona ferð þar sem gengið er á hverjum degi nokkra daga í röð. Æfingar geta falið það í sér til dæmis að taka vikulegar göngur með dagpoka á bakinu upp að Steini í Esju og tvær ferðir á Úlfarsfell – ef þið gerið sex svona sett þá munið þið njóta þess að fara í svona ferð. Besti undirbúningurinn fyrir gönguferð er að æfa sambærilegar göngur.

VERÐ OG BÓKANIR
Verð í þessa ferð er kr. 79.700
Verð ef gist er í tjaldi er kr. 57.500 (innifalið tjaldsvæði og aðstöðugjald í skála).
Öll verð eru með vsk.

Innifalið: Trúss, hafragrautur og kaffi þrjá morgna, leiðsögn, gisting í skála eða tjaldstæði í þrjár nætur.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Athugið að það er ekki í boði að bóka ferð með því að greiða einungis staðfestingargjald. Það er hins vegar hægt að dreifa greiðslum á nokkra mánuði og enginn vaxtakostnaður af slíkum ráðstöfunum í sportabler.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 9.500 inn á reikning: 515-26-530314. Kt. 530314-0650. Senda afrit á einarskula@hotmail.com og merkja viknaslodir. Muna að fullgreiða sex vikum fyrir brottför (28. maí).
Þegar búið er að bóka ferð þá er hægt að sækja um aðgang að lokuðum hóp á Facebook. Þar verða ýmsar praktískar upplýsingar fyrir ferð og fleira.

Skilmálar
Ígildi staðfestingargjalds í þessa ferð er kr. 9.500 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. 6 vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.
Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

FEATURED STORY

Göngur eru fyrir alla

Lorem ipsum dolor sit amet, consectetur adipiscing elit. Suspendisse varius enim in eros elementum tristique. Duis cursus, mi quis viverra ornare, eros dolor interdum nulla.

Discover My Story Categories

Umgengni og umhverfi

Skilmálar

Hreyfihópar

Heilsa og líðan

Göngur fyrir alla!

Ferðir

More Stories from Archive