Hreyfihópur · Langbrölt

Langbrölt vor 2025

Þessu námskeiði er lokið

Í vor verður boðið upp á Langbröltið, sem eru krefjandi og langar göngur, en þó án þess að fara í allra mesta brattann (nema stutta kafla). Þannig er farið meira á lengdina þó að búast megi við góðri hækkun í bland við ágætis vegalengdir. Nú ætlum við í sex helgargöngur fram á vor þar sem fjórar eru frá einum stað yfir á annan! Svo eru tólf fjölbreyttar kvöldgöngur um skemmtilega staði í grennd við höfuðborgarsvæðið.

Þetta eru því fjölmargar göngur og þátttakendur komast í frábært form!

Almennt

Gert er ráð fyrir að þátttakendur treysti sér í krefjandi aðstæður út frá veðri og færð, og þarf hver og einn að eiga eða hafa aðgang að búnaði til samræmis. Keðjubroddar (Esjubroddar) eiga að duga í allar göngur en ekki er útilokað að það þurfi jöklabúnað (brodda og öxi) þó að ekki sé stefnt á það. Leiðsögufólk veitir leiðbeiningar um útbúnað og stofnaður er lokaður Facebook hópur þar sem hver ganga er kynnt og fjallað um aðstæður, hvernig við komumst á staðinn og fleira. Gert er ráð fyrir að hver og einn beri ábyrgð á að koma sér á staðinn en við stingum upp á stöðum til að hittast og sameinast í bíla. Yfirleitt er ein ísaxarbremsuæfing í jan/feb til að gefa þátttakendum tækifæri á að kynnast tækninni og æfa sig. Sjá tengil á lokaða hópinn neðar í textanum.

Dagskrá

Gengið er á fimmtudagskvöldum kl. 18 og farið í dagsgöngur um helgar, yfirleitt ekki seinna en kl. 8 af stað úr bænum. Stefnt er á dagsgöngur á þeim dögum sem merktir eru í dagskránni, en aðrir dagar eru til vara (athugið að dagsgöngur lenda líka á fimmtudags-frídögum og föstudaginn langa). Hver ganga er tilkynnt í lokaða hópnum með eins til þriggja daga fyrirvara og verða leiðir valdar með hliðsjón af veðurspá og færð (þannig hámörkum við möguleika á góðu veðri og aðstæðum í hverri göngu).

Fyrstu vikur ársins verður boðið upp á Esjuæfingar á þriðjudögum til að auka þol og koma sér í gott gönguform.

Helgargöngur

Stefnt er á eftirfarandi helgargöngur svo framarlega sem það passar við veður og færð. Að öðrum kosti verða aðrar sambærilegar leiðir fyrir valinu.

  • Upphitunarganga langbrölts og meira brölts 5. jan, opin öllum
  • Yfir Skálafell og Skálafellsháls í Kjós (A-B) 11 km/600 m
  • Stardalur, Svínaskarð, Trana, Trönumúli í Kjós (A-B) 12 km/750 m
  • Búrfell, Kjölur, Dagmálafjall í Kjós (A-B) 18 km/850 m
  • Teigsfjall, Sáta og Hraunsnefsöxl í Borgarfirði (A-B) 19 km/500 m
  • Helgrindur úr Staðarsveit 13,5 km/1000 m

Athugið að vegalengd og hækkun segja ekki alla söguna, önnur skilyrði koma einnig til. Athugið að í göngum frá A-B getur uppsöfnuð hækkun breyst ef göngu er snúið við vegna vindáttar eða annars.

Kvöldgöngur

Göngurnar eru valdar með það í huga að þær taki um það bil tvo til þrjá tíma, yfirleitt nær tveimur tímum. Reynt er að fara ekki sömu leiðina tvisvar á misseri. Dæmi um svæði sem eru til skoðunar:

  • Nokkrar leiðir á Esju og nágrenni (allt frá Skálafelli og út á Lág-Esju, sunnan og norðan megin)
  • Lengri leiðir á fellin í nágrenni höfuðborgarsvæðisins
  • Bláfjallahryggur og nágrenni
  • Hengill og nágrenni
  • Reykjanesskagi

Dagsetningarnar

#DagurAthugasemd
1Fim 2. janúarÞriðjudags Esja
0Sun 5. janúarUpphitun langbrölt Opin kynningarganga
3Þri 7. janúarÞriðjudags Esja
4Þri 14. janúarÞriðjudags Esja (vikulega fram í mars
1Lau 25. janúarLangbrölt helgarganga
2Fim 23. janúarLangbrölt
3Fim 6. febrúarLangbrölt
4Fim 13. febrúarLangbrölt
5Fim 20. febrúarLangbrölt
6Lau 1. marsLangbrölt helgarganga
7Fim 6. marsLangbrölt
8Fim 13. marsLangbrölt
9Fim 20. marsLangbrölt
10Fim 27. marsLangbrölt
11Lau 29. marsLangbrölt helgarganga
12Fim 3. aprílLangbrölt
13Fim 10. aprílLangbrölt
14Fös 18. aprílLangbrölt helgarganga (föstudagurinn langi
15Fim 24. aprílLangbrölt (sumardagurinn fyrsti
16Fim 1. maíLangbrölt helgarganga
17Fim 8. maíLangbrölt

Esjuæfingar á þriðjudögum fyrstu vikur ársins fram í mars (kl. 18 við Esjustofu), þjálfari mætir til að byrja með.

Horft yfir Skorradalsvatn,

Verð og bókanir

Verð fyrir manninn í allt prógrammið er kr. 66.000.

Verð fyrir manninn í einungis kvöldgöngurnar er kr. 42.000

Verð fyrir manninn í einungis dagsgöngurnar er kr. 35.000

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“. Ef þið lendið í vandræðum í innskráningu, þá eru leiðbeiningar hér.

Þá er einnig mögulegt að greiða með millifærslu. Greiðsla jafngildir bókun og merkið færsluna „lang“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.

Lágmarksfjöldi í hópnum er 20 en hámarksfjöldi 50.

Þegar bókun er lokið er hægt að sækja um aðgang að lokaða hópnum: https://www.facebook.com/groups/2286448501702684

Afsláttarkjör fyrir þau sem kaupa allt prógrammið: Þau sem voru skráð á Vesenisnámskeið í haust 2024 eða eru elli-og örorkulífeyrisþega fá 15% afslátt. Veljið í bókunarferlinu.
Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%).

Skilmálar

Athugið að Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað.

Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Fyrirvari er settur um röskun á prógramminu vegna Covid-19 eða hliðstæðra ástæðna eða veðurs og færðar en alltaf stefnt á að klára tilskilinn fjölda af göngum.

Á Vífilsfelli

Hreyfihópar

Skoðaðu líka

Allir hóparnir