Vesen og brölt haust er sería af göngum frá byrjun sept og fram í byrjun aðventu sem miðast meðal annars við að hjálpa fólki að komast í betra form, en um leið að njóta fallegrar náttúru úr sumri, inn í haustlitina og yfir í friðsælt vetrarumhverfi.

Á dagskrá eru fjórtán fjölbreyttar og þægilegar láglendisgöngur á höfuðborgarsvæðinu og á suðvesturhorninu sem skiptast í tíu mánudagsgöngur og fjórar sunnudagsgöngur. Auk hreyfingarinnar þá er miðlað fjölbreyttum fróðleik um náttúru, sögu, örnefni og útbúnað. Þátttakendur þurfa að koma sér sjálfir á staðinn en fá boð um tíma og stað fyrir hverja göngu til að sameinast í bíla til að minnka mengun og auka samskipti. 😉

Gert er ráð fyrir að þátttakendur fari í sambærilegar göngur, eða stundi aðra hreyfingu, að minnsta kosti tvisvar í viku að auki, til að ná eðlilegum framförum.

Hist er síðdegis og gengið af stað um kl. 18 á mánudögum og á milli kl. 9 og 10 á sunnudagsmorgnum. Ef veður er slæmt á sunnudegi þá er laugardagur til vara.
Stofnaður hefur verið lokaður Facebook hópur fyrir þátttakendur og þar er tilkynnt um hverja göngu með 1-3 daga fyrirvara og miðlað ýmis konar fræðslu. Sækið um aðgang að lokaða hópnum á Facebook á þessum tengli þegar búið er að ganga frá skráningu: https://www.facebook.com/groups/114294955076179

DAGSKRÁ

September: 4., 10. (sunnudag),18. og 25.
Október: 2., 8. (sunnudag), 16., 23. og 30.
Nóvember: 5. (sunnudag), 13., 20. og 27.
Desember: 3. (sunnudag).

Búið er að taka saman nokkrar göngur sem koma til greina og verður metið út frá veðri og aðstæðum hvað verður fyrir valinu hverju sinni. Hver ganga er svo kynnt í lokaða hópnum með 1-3 daga fyrirvara:

Mánudagsgöngur: Umhverfis Urriðaholt og vatnið, Hvalfjarðareyri, Svæðið sunnan Straumsvíkur og Reykjanesbrautar, Fagradalur og nágrenni í grennd við Kleifarvatn, Heiðmörk, Álftanes, Hvaleyrarvatnssvæði, Lækjarbotnar, greiðar leiðir á Geldinganesi, umhverfis Grafarvog og Keldnaholt, Rauðavatn og nágrenni og Rauðhólar.

Sunnudagsgöngur: Ævintýraleg ganga við Arnarfell í þjóðgarðinum á Þingvöllum 8 km/150 m, Skógræktin við Grunnafjörð í Hvalfirði, 6,5 km/120 m, Hveragerði og Hamarinn 9 km/200 m, Hringleið í Botnsdal í Hvalfirði 5-7 km/150 m eða mögulega ganga til að kíkja á hraunið við Fagradalsfjall.

UMSJÓN
Leiðbeinendur eru Einar Skúlason, Gunnar Gunnarsson og Þórdís Sigurgeirsdóttir. Þau hafa öll komið mikið að göngum í brölthópunum bæði sem þátttakendur og í leiðsögn.

VERÐ OG BÓKANIR

Verð fyrir manninn er kr. 53.000.

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu. Greiðsla jafngildir bókun og merkið færsluna Brölt. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Lágmarksfjöldi í hópnum er 20 en hámarksfjöldi 50.

Þegar bókun er lokið er hægt að sækja um aðgang að lokaða hópnum:
https://www.facebook.com/groups/114294955076179

Afsláttarkjör: Þau sem voru skráð á Vesenisnámskeið í vor eða sumar 2023 eða til elli-og örorkulífeyrisþega. Veljið í bókunarferlinu.
Hægt er að sækja um fjölskylduafslátt sem virkar þannig að meðlimur í fjölskyldu nr. 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%).

SKILMÁLAR

Athugið að Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað. Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Fyrirvari er settur um röskun á prógramminu vegna Covid-19 eða hliðstæðra ástæðna eða veðurs en alltaf stefnt á að klára tilskilinn fjölda af göngum þó að þær fari á aðrar dagsetningar eða vikudaga.