Í þessum hópi munum við ganga um tólf gamlar leiðir frá einum stað til annars um það bil mánaðarlega. Á öllum leiðunum er frá ýmsu markverðu að segja og við munum því ferðast um söguna ekki síður en um landslagið.
Búið er að taka saman þessar fjölbreyttu tólf leiðir sem við stefnum á að ganga. Þær eru allar á sunnan- og vestanverðu landinu og í lok september stefnum við vestur í Stykkishólm á Snæfellsnesi og ætlum að ganga á laugardegi og sunnudegi um gamlar leiðir í grenndinni.
Þau sem kaupa aðgang munu ganga í þjóðleiðahópinn á Facebook. Þar er fyrir nokkur hópur fólks og verður fólki gefinn kostur á að kaupa sig inn í stakar göngur ef það vill ekki binda sig allt árið, en að sjálfsögðu ganga þau fyrir sem eru áskrifendur.

Í þjóðleiðahópnum á Facebook verða útbúnir viðburðir fyrir göngurnar með ca tveggja daga fyrirvara með nánari upplýsingum um fyrirkomulag, veður og útbúnað. Þá verður einnig miðlað fræðslu í hópnum og umræða getur verið í tengslum við þjóðleiðir og póstleiðir almennt. Þess vegna er þetta skráð sem námskeið enda munu þátttakendur eiga kost á því að læra þó nokkuð um þjóðleiðirnar og göngur almennt. Tekið skal fram að almennt er miðað við að fjöldi í göngu fari ekki yfir 50 manns.

DAGSKRÁ
Hér að neðan má sjá áætlaða dagskrá og við munum reyna að standa við að fara þessar leiðir á árinu, en við hikum ekki við að víxla leiðum milli dagsetninga út frá veðri og færð. Allar áætlaðar leiðir voru hestfærar eftir því sem best er vitað og því er engin þeirra mjög brött, en drjúg hækkun engu að síður í nokkrum.

Laugard  17-Jan-26  Sandfellsleið með Seljadal í Kjós (hluti af Svínaskarðsleiðinni) 10 km/250m – förum upp hjá Vindáshlíð og tökum Seljadalinn með og spáum í sögu hans. Förum einnig um land Fossár og klárum göngu við mynni Brynjudals.

Laugard  21-Feb-26  Yfir Reynisfjall, Hellur og Reynisfjara í Mýrdal 8,5/300m – gamla kirkjugatan frá Vík að Reyniskirkju. Við förum lengri leiðina til að sjá fallegt útsýnið og eftir að við komum að kirkjunni skoðum við gamlan bústað séra Jóns eldklerks þar sem hann bjó eftir að hann fluttist fyrst suður.

Laugard  14-Mar-26  Brattabrekka (gamla þjóðleiðin í Dali) 9 km/350m – þetta er hin eiginlega leið um Bröttubrekku. Samnefndur bílvegur fer ekki nálægt Bröttubrekku í dag og brekkan sést ekki nema að fara inn Bjarnadalinn.

Laugard  11-Apr-26  Seljadalur og Seljadalsbrúnir (hluti gamla Þingvallavegar) 16,5/250 m – þarna skoðum við tvær leiðir sem tengjast báðar gamla Þingvallaveginum yfir Mosfellsheiði. Við göngum Seljadalsbrúnir og svo um Seljadalinn og fáum tilfinningu fyrir þessum fjölförnu leiðum.

Laugard  16-May-26  Kambsskarð á Snæfellsnesi 10 km/500m – gömul leið á milli Breiðavíkur og Ólafsvíkur en féll einatt í skuggann af leiðinni um Fróðárheiði sem er í næsta nágrenni. Í dag hefur leiðin um Kambsskarð þann kost að vera ekki nálægt bílvegi.

Laugard  06-Jun-26  Hálsavegur (Skorradalur – Flókadalur) 13 km/550 m – þarna förum við um Krosshólagötur og Lundarsneið (báðar gamlar kirkjugötur) til að klára Hálsaveginn milli suðurdalanna í Borgarfirði.

Laugard  15-Aug-26  Grillirahryggjaleið og Eiríksvatn 17,5/580m – gömul leið úr Botnsdal í Hvalfirði yfir Botnsheiði, niður með Skúlagili til móts við Efstabæ í framdal Skorradals og svo göngum við upp með Fitjaá framhjá fossinum Hvítserki og með Eiríksvatni og endum neðan við Uxahryggi.

Laugard  26-Sept-26  Þjóðleiðahelgi í Stykkishólmi: Tröllaháls milli Hraunsfjarðar og Kolgrafarfjarðar ca 10 km/250 m – þarna eru tóftir nokkurra eyðibýla sem við munum skoða og ganga eitthvað meira Hraunsfjarðarmegin.

Sunnud  27-Sept-26  Þjóðleiðahelgi í Stykkishólmi: Berserkjagata og fleira – nokkrar leiðir koma til greina og við förum eftir veðri.

Laugard  17-Oct-26  Selsvallastígur og Sogin að Djúpavatni 14 km/450 m – byrjum göngu í grennd við Fagradalsfjall og göngum gamla stíginn inn að Selsvöllum og skoðum tóftir, gíga og Hverinn eina. Göngum svo með Sogunum og endum við Djúpavatn.

Laugard  14-Nov-26  Klóarvegur á milli Hveragerðis og Grafnings 14 km/450 m – göngum með Sauðá, um Klóarmelana og sjáum Grændalinn fallega. Þegar komið er yfir Folaldaháls og um Laxárdal þá stefnum við í átt að Króki og Villingavatni.

Sunnud  27-Dec-26  Grafningsháls 9 km/240 m – förum þessa stystu leið milli Grafnings og Ölfuss vonandi í snjó og fallegu veðri.

Ef þarf að fresta göngu vegna veðurs þá er yfirleitt sunnudagurinn til vara. Gefin er upp áætluð vegalengd og uppsöfnuð hækkun. Ef þarf að panta rútu þá er sá kostnaður til viðbótar við skráningarkostnað. Við reynum annars að leysa bílamál með skutli og að sameinast í bíla þegar það er hægt, en ef fyrirsjáanlegt er að það taki of langan tíma þá pöntum við rútu.

UMSJÓN
Leiðbeinandi er Einar Skúlason. Hann stofnaði gönguhópinn Vesen og vergang og Wapp – Walking app leiðsöguapp. Hann hefur skrifað töluvert um gönguleiðir og er sérstakur áhugamaður um þjóðleiðir. Einar mun njóta aðstoðar frá Kristínu Silju og mögulega fleiri fararstjórum í Veseni og vergangi.

VERÐ OG BÓKANIR

Kostar kr. 65.000 fyrir manninn fyrir allt árið.

Upplýsingar um afsláttarkjör eru neðar.

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er það mögulegt að greiða með millifærslu. Greiðsla jafngildir bókun og merkið færsluna „Þjóðleið“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Munið að sækja um aðgang að þjóðleiðahópnum á Facebook: https://www.facebook.com/groups/1802465456801358

Afsláttarkjör:
15% afsláttur er veittur fyrir þau sem voru í síðasta þjóðleiðahóp, voru á vesenisnámskeiði haust 2025 eða eru í vor 2026. Sami afsláttur er fyrir elli- og örorkulífeyrisþega. Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%).

Hægt að taka með sér gest og hann borgar kr. 7000 fyrir gönguna og 20.000 fyrir þjóðleiðahelgina í Stykkishólmi. Ítrekað er að rútukostnaður bætist við í þeim tilvikum sem rúta er pöntuð.

SKILMÁLAR
Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað.
Fyrirvari er settur um röskun á prógramminu vegna ófyrirsjáanlegra ástæðna eða veðurs/færðar en alltaf stefnt á að klára tilskilinn fjölda af göngum þó að þær fari á aðrar dagsetningar eða vikudaga.