Vesen og millibrölt er námskeið og æfingaáætlun sem passar fyrir þá sem fara gjarnan á Úlfarsfell eða sambærilegt og geta hugsað sér að fara víðar. Gert er ráð fyrir að þátttakendur bæti þolið og styrkist og æfi sig jafnframt í ólíkum aðstæðum á hinum ýmsu fellum og lægri fjöllum í nágrenni höfuðborgarsvæðisins. Smátt og smátt verða göngurnar örlítið erfiðari til að auka hæfnina og að auki er miðlað fróðleik um náttúru, umhverfi og útbúnað.
Við byrjum í janúar og þetta fer rólega af stað en svo fjölgar göngum með hækkandi sól og áður en við vitum af er farið að sjást í græna sprota og það er alltaf sérstakt tilhlökkunarefni að sjá fyrstu vetrarblómin í apríl.

Alls verða sextán göngur frá janúar og fram í maí fyrir utan upphitun og Esjugöngur. Mikill sveigjanleiki er í boði í áskrift, en hlutfallslega hagstæðast er að taka allan pakkann. Gert er ráð fyrir að þátttakendur gangi einnig á eigin vegum til að ná eðlilegum framförum.
Stofnaður hefur verið lokaður Facebook hópur fyrir þátttakendur og þar er tilkynnt um hverja göngu með eins til tveggja daga fyrirvara með hliðsjón af veðri og færð og miðlað ýmis konar fræðslu. Sjá tengil neðar á Facebook hópinn. Þátttakendur þurfa að eiga keðjubrodda (stundum kallaðir Esjubroddar) og höfuðljós fyrir þetta prógramm.

DAGSKRÁ
Dagskráin mótast af hópnum og veðri og aðstæðum. Við höfum valið að vera með potta af mögulegum göngum og svo veljum við úr þeim miðað við veður og aðstæður. Tilkynnt er um hverja göngu í lokaða hópnum með eins til tveggja daga fyrirvara og þar koma fram allar upplýsingar um gönguna og hvernig á að komast á staðinn. Við hittumst gjarnan í útjaðri höfuðborgarsvæðisins og deilum bílum að göngustað.

Lau 10-Jan-26 Upphitun millibrölt
Mið 21-Jan-26 Millibrölt – Mið
Mið 04-Feb-26 Millibrölt – Mið
Sun 08-Feb-26 Millibrölt – Mið dagsganga
Mið 18-Feb-26 Millibrölt – Mið
Mið 25-Feb-26 Millibrölt – Mið
Sun 01-Mar-26 Millibrölt – Mið dagsganga
Mið 11-Mar-26 Millibrölt – mið
Mið 18-Mar-26 Millibrölt – Mið
Mið 25-Mar-26 Millibrölt – Mið
Sun 29-Mar-26 Millibrölt – Mið dagsganga
Mið 01-Apr-26 Millibrölt – Mið
Mið 08-Apr-26 Millibrölt – Mið
Mið 15-Apr-26 Millibrölt – Mið
Mið 22-Apr-26 Millibrölt – Mið
Mið 29-Apr-26 Millibrölt – Mið
Sun 03-May-26 Millibrölt – Mið dagsganga
Mið 06-May-26 Millibrölt – Mið

KVÖLDGÖNGUR: Fell og fjöll og leiðir á suðvesturhorninu og fer eftir veðri og færð. Gjarnan 2-400 m hækkun, jafnvel minna og jafnvel meira ef það er sumarfæri og oft eru þetta 3-8 km. Við förum bara einu sinni hverja leið þannig að fjölbreytni er mikil.

HELGARGÖNGUR
• Varmalækjarmúli í Borgarfirði 8 km/370 m
• Þrándarstaðafjall og Folaldafoss í Hvalfirði 9 km/460 m
• Þorbjörn, Hagafell og fleira við Grindavík 7 km/350 m
• Rauðsgil og Búrfell í Reykholtsdal í Borgarfirði 10/380

ESJUÆFINGAR á þriðjudögum fyrstu vikur ársins fram í lok febrúar (kl. 17:30 við Esjustofu) – í áttina að Steini, fólk fer eins langt og það treystir sér til og snýr þá við. Við höldum ekki endilega hópinn.
• 6. jan (þriðjud), 13. jan (þriðjud), 15. jan (fimmtud), 3. feb, 24. feb

TEYMIÐ
Teymið sem hefur umsjón með göngunum samanstendur af Einari Skúlasyni, Rakel G. Magnúsdóttur, Gunnari Gunnarssyni, Kristínu Silju Guðlaugsdóttur og Elísabetu Snædísi Jónsdóttur. Þau hafa öll mikla og fjölbreytta reynslu af fjallamennsku og að leiða hópa við ýmsar aðstæður í göngum.

VERÐ OG BÓKANIR

• Allar miðvikudagsgöngur og allar dagsgöngur (sextán göngur) kr. 65.000
• Einungis helgargöngurnar (fjórar göngur) kr. 27.000
• Einungis miðvikudagsgöngur (tólf göngur) kr. 46.500
• Bland í poka (tvær dagsgöngur og sex kvöldgöngur að eigin vali) kr. 39.000

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu. Greiðsla jafngildir bókun og merkið færsluna „millimið“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Lágmarksfjöldi í hópnum er 20 en hámarksfjöldi 50.

Þegar bókun er lokið er hægt að sækja um aðgang að lokaða hópnum: https://www.facebook.com/groups/870504525067256

Afsláttarkjör fyrir þau sem kaupa allt prógrammið:
Þau sem voru skráð á Vesenisnámskeið í haust 2025 eða eru elli-og örorkulífeyrisþega fá 15% afslátt. Veljið í bókunarferlinu.
Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%).

SKILMÁLAR

Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað.
Fyrirvari er settur um röskun á prógramminu vegna Covid-19 eða hliðstæðra ástæðna eða veðurs en alltaf stefnt á að klára tilskilinn fjölda af göngum.