Ef þú ert að leita að áskorun þá er meira bröltið fyrir þig. Við leitum uppi skemmtileg og krefjandi fjöll til að toppa og njótum þess að taka á því saman og sigrast á fjölbreyttum hindrunum. Við verðum með nokkrar dagsgöngur í vor og sjálfstæða jöklagöngu í maí og erum svo í samstarfi við langbröltið varðandi kvöldgöngur.

Búast má við því að þátttakendur geti farið í krefjandi aðstæður út frá veðri og færð og gert er ráð fyrir að þeir séu í nokkuð góðu líkamlegu formi og tilbúnir til að verja tíma til að komast í enn betra gönguform. Hver og einn þarf að hafa aðgang að búnaði til samræmis við erfiðleikastig ferðanna. Það á við t.d. um gönguöxi (ísöxi) og fjallabrodda (jöklabrodda). Við eigum nokkur sett sem við getum leigt þátttakendum.

Leiðsögufólk veitir leiðbeiningar um útbúnað og hver ganga er kynnt og fjallað um aðstæður í lokaða Facebook hópnum. Gert er ráð fyrir að hver og einn beri ábyrgð á að koma sér á upphafsstað göngu en við stingum alltaf upp á bílastæðum í útjaðri höfuðborgarsvæðis til að hittast og sameinast í bíla.

Hópurinn er rekinn í samstarfi við langbröltið og hægt að komast í fimmtudagsgöngur með langbröltinu ef sá kostur er valinn í áskrift. Sjá dagskrána hér að neðan með langbröltsgöngurnar í sviga. Esjugöngurnar eru til að hvetja þátttakendur í aukagöngur til að búa sig undir framhaldið.

Athugið að helgargöngur eru settar á laugardag og þá er sunnudagur til vara.

Lau 03-Jan-26 Upphitun/kynningarganga langbrölt
Þri 06-Jan-26 Esja
Þri 13-Jan-26 Esja
Fim 15-Jan-26 Esja
Fim 22-Jan-26 (Langbrölt)

Fim 29-Jan-26 (Langbrölt)
Þri 03-Feb-26 Esja
Fim 05-Feb-26 (Langbrölt)
Fim 12-Feb-26 (Langbrölt)
Fim 19-Feb-26 (Langbrölt)
Þri 24-Feb-26 Esja
Fim 05-Mar-26 (Langbrölt)

Fim 12-Mar-26 (Langbrölt)
Fim 19-Mar-26 (Langbrölt)

Fim 26-Mar-26 (Langbrölt)
Fim 09-Apr-26 (Langbrölt)
Fim 16-Apr-26 (Langbrölt)

Fim 07-May-26 (Langbrölt)
Einnig er jöklaganga í maí (í tengslum við prógrammið en ekki innifalin – dagsetningar sem koma til greina eru 2. 16 eða jafnvel 30. maí ef spáin gefur ekki kost á hinum dagsetningunum)

Kerlingarfjöll (gert ráð fyrir að gista) • Snæfellsjökull • Toppar fyrir ofan Grundarfjörð A-B • Ljósufjöll þverun • Tröllakirkja í Hítardal • Löng leið í Skarðsheiði eða Esju

Jöklaganga í tengslum við prógrammið en ekki innifalin, líklega í suðurjöklum Vatnajökuls – koma til greina 2., 16. eða jafnvel 30. maí ef færi og veður leyfa ekki göngu fyrr.

KVÖLDGÖNGUR

Fimmtudagsgöngurnar hjá langbrölti eru fjölbreyttar og takmarkast af veðri og færð. Við nýtum okkur Esjuna, Akrafjallið, fellin á höfuðborgarsvæðinu, Bláfjallahrygg og nágrenni og aðra fjallshryggi á Reykjanesskaga. Það getur verið að við þurfum að fara sömu leiðir tvisvar enda eru þessar kvöldgöngur í og með æfingagöngur fyrir helgargöngurnar og takmörk fyrir því hvað hægt er að finna margar leiðir með meira en 4-500 m hækkun. Að auki er mælst til þess að þátttakendur taki Esjugöngur upp að Steini aukalega, settar hafa verið niður nokkrar dagsetningar í janúar og febrúar fyrir slíkar göngur. Ekki er gert ráð fyrir að fararstjórar mæti sérstaklega í þær göngur nema þeir komist.

Jón Trausti Bjarnason og Bjarki Valur Bjarnason hafa umsjón með göngunum og stundum koma aðrir fararstjórar Vesens og vergangs við sögu. Þeir Jón Trausti og Bjarki hafa langa reynslu af fararstjórn í fjölbreyttum ferðum um landið.

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu.  Greiðsla jafngildir bókun og merkið færsluna „meira“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.

Lágmarksfjöldi í hópnum er 15 en hámarksfjöldi 40

Þegar bókun er lokið er hægt að sækja um aðgang að lokaða hópnum (sem er rekinn með langbröltinu).

Afsláttarkjör: Hámarksafsláttur er 10% á mann og er í formi endurgreiðslu eftir að námskeið  er hafið og búið að gera það upp. Þau sem voru skráð á Vesenisnámskeið vor/sumar 2025 eða til elli-og örorkulífeyrisþega eða fjölskylduafsláttur fyrir meðlim nr. 2 í fjölskyldu með sama lögheimili. Látið vita á einarskula@hotmail.com og sendið með upplýsingar um námskeið, kennitölu og bankaupplýsingar.

Athugið að Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað. Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.

Fyrirvari er settur um röskun á prógramminu veðurs eða annarra aðstæðna en alltaf stefnt á að klára tilskilinn fjölda af göngum.