Í vor verður boðið upp á Langbröltið, sem eru krefjandi og langar göngur, en þó án þess að fara í allra mesta brattann (nema stutta kafla). Þannig er farið meira á lengdina þó að búast megi við góðri hækkun í bland við ágætis vegalengdir. Nú ætlum við í sex helgargöngur fram á vor (þar af er ein opin kynningarganga). Svo eru tólf fjölbreyttar kvöldgöngur um skemmtilega staði í grennd við höfuðborgarsvæðið. Þetta eru því fjölmargar göngur og þátttakendur komast í frábært form.
ALMENNT
Gert er ráð fyrir að þátttakendur treysti sér í krefjandi aðstæður út frá veðri og færð, og þarf hver og einn að eiga eða hafa aðgang að búnaði til samræmis. Keðjubroddar (Esjubroddar) eiga að duga í allar göngur en ekki er útilokað að það þurfi jöklabúnað (brodda og öxi) þó að ekki sé stefnt á það. Leiðsögufólk veitir leiðbeiningar um útbúnað og stofnaður er lokaður Facebook hópur þar sem hver ganga er kynnt og fjallað um aðstæður, hvernig við komumst á staðinn og fleira. Gert er ráð fyrir að hver og einn beri ábyrgð á að koma sér á staðinn en við stingum upp á stöðum til að hittast og sameinast í bíla. Yfirleitt er ein ísaxarbremsuæfing í jan/feb til að gefa þátttakendum tækifæri á að kynnast tækninni og æfa sig enda gagnlegt að kunna slíkt. Sjá tengil á lokaða hópinn neðar í textanum.
Leiðsögn annast Einar Skúlason og Kristín Silja Guðlaugsdóttir auk annarra fararstjóra Vesens og vergangs.
DAGSKRÁ
Gengið er á fimmtudagskvöldum kl. 18 og farið í dagsgöngur um helgar, yfirleitt ekki seinna en kl. 8 af stað úr bænum. Stefnt er á dagsgöngur á þeim dögum sem merktir eru í dagskránni, en aðrir dagar eru til vara (athugið að dagsgöngur lenda líka á fimmtudags-frídegi og föstudeginum langa). Hver ganga er tilkynnt í lokaða hópnum með eins til þriggja daga fyrirvara og verða leiðir valdar með hliðsjón af veðurspá og færð (þannig hámörkum við möguleika á góðu veðri og aðstæðum í hverri göngu).
Fyrstu vikur ársins er hvatt til Esjuæfingar á þriðjudögum til að auka þol og koma sér í gott gönguform – þjálfari mætir ekki alltaf.
HELGARGÖNGUR
Stefnt er á eftirfarandi helgargöngur svo framarlega sem það passar við veður og færð. Að öðrum kosti verða aðrar sambærilegar leiðir fyrir valinu.
• Kynningarganga: einhver Esjuleið
• Kvígindisfell 10 km/650 m
• Akrafjallshringur 14 km/900 m
• Svörtutindar í Hafnarfjallsgarðinum 12 km/900 m
• Fimmvörðuháls um vetur 23 km/1000 m
• Bjólfell, Tindilfell og Gráfell 15/1000
Athugið að vegalengd og hækkun segja ekki alla söguna, önnur skilyrði koma einnig til. Athugið að í göngum frá A-B getur uppsöfnuð hækkun breyst ef göngu er snúið við vegna vindáttar eða annars.
KVÖLDGÖNGUR
Göngurnar eru valdar með það í huga að þær taki um það bil tvo til þrjá tíma – yfirleitt nær tveimur tímum. Reynt er að fara ekki sömu leiðina tvisvar á misseri. Dæmi um svæði sem eru til skoðunar:
• Nokkrar leiðir á Esju og nágrenni (allt frá Skálafelli og út á Lág-Esju, sunnan og norðan megin)
• Lengri leiðir á fellin í nágrenni höfuðborgarsvæðisins
• Bláfjallahryggur og nágrenni
• Hengill og nágrenni
• Reykjanesskagi
Dagsetningarnar
Lau 03-Jan-26 Kynningarganga langbrölt
Fim 22-Jan-26 Langbrölt
Lau 24-Jan-26 Langbrölt helgarganga
Fim 29-Jan-26 Langbrölt
Fim 05-Feb-26 Langbrölt
Fim 12-Feb-26 Langbrölt
Fim 19-Feb-26 Langbrölt
Lau 28-Feb-26 Langbrölt helgarganga
Fim 05-Mar-26 Langbrölt
Fim 12-Mar-26 Langbrölt
Fim 19-Mar-26 Langbrölt
Lau 21-Mar-26 Langbrölt helgarganga
Fim 26-Mar-26 Langbrölt
Fös 03-Apr-26 Langbrölt helgarganga (föstudagurinn langi)
Fim 09-Apr-26 Langbrölt
Fim 16-Apr-26 Langbrölt
Fim 23-Apr-26 Langbrölt helgarganga (sumardagurinn fyrsti)
Fim 07-May-26 Langbrölt
VERÐ OG BÓKANIR
Verð fyrir manninn í allt prógrammið kr. 70.000.
Verð fyrir manninn í einungis kvöldgöngurnar kr. 46.000
Verð fyrir manninn í einungis dagsgöngurnar kr. 34.000
Bland í poka (tvær dagsgöngur og sex kvöldgöngur) kr. 42.000
Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.
Þá er einnig mögulegt að greiða með millifærslu. Greiðsla jafngildir bókun og merkið færsluna „lang“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Lágmarksfjöldi í hópnum er 20 en hámarksfjöldi 50 (miðað við fjölda í fullu prógrammi).
Þegar bókun er lokið er hægt að sækja um aðgang að lokaða hópnum.
Afsláttarkjör fyrir þau sem kaupa allt prógrammið: Þau sem voru skráð á Vesenisnámskeið í haust 2025 eða eru elli-og örorkulífeyrisþega fá 15% afslátt. Veljið í bókunarferlinu.
Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%).
SKILMÁLAR
Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað.
Fyrirvari er settur um röskun á prógramminu vegna Covid-19 eða hliðstæðra ástæðna eða veðurs og færðar en alltaf stefnt á að klára tilskilinn fjölda af göngum.
