Það er uppbókað í ferðina (9/3 kl. 16:30).

Nú er komið að því að ganga um ævintýraslóðir milli Núpsstaðarskógar og Skaftafells. Þarna eru miklar andstæður í náttúrunni, jöklar og gróðursæl svæði, melar, sandar og tröllslegar klettamyndanir. Þetta er krefjandi ganga með allt á bakinu en launin eru ríkuleg í landslagi, náttúruperlum og einstakri reynslu. Æfa þarf vel fyrir þessa ferð til að ganga með allt á bakinu um langar dagleiðir.
Fararstjórar verða Jón Trausti og Bjarki sem hafa lengi starfað með Veseni og vergangi.

DAGSKRÁ

Föstudagur 25. júlí – Skaftafell – Núpsstaðaskógur – Skessutorfugljúfur
Hópurinn hittist í Skaftafelli kl. 9 og við sameinumst í bíla og keyrum í halarófu að bílastæði við Núpsstaðaskóg (nánar verður fjallað um skipulag bílamála á undirbúningsfundi). Við göngum um skóginn, meðfram Núpsá og sjáum tvílita fossinn og förum enn lengra upp með ánni. Sjáum jafnframt Skessutorfugljúfur uns við stoppum í náttstað og setjum upp tjöld. Vegalengd ca 17 km og hækkun ca 700 m

Laugardagur 26. júlí – Skeiðarárjökull
Við þverum jökulinn og nýtum megnið af deginum í það. Njótum þess að sjá fjölbreytta ásýnd skriðjökulsins og umhverfisins. Komum okkur svo fyrir á tjaldstað í Skaftafellsfjöllum. Vegalengd ca 18 km og hækkun ca 400 m.

Sunnudagur 27. júlí – Skaftafellsfjöll – Morsárdalur – Skaftafell
Eftir að hafa pakkað saman förum við yfir Skaftafellsfjöllin og stöldrum við á Blátindi og njótum stórkostlegs útsýnis (og veltum fyrir okkur hvernig var að smala þetta svæði). Þaðan förum við niður í gróðursælan Bæjarstaðaskóg og um Morsárdalinn og áfram í Skaftafell. Svo skutlum við bílstjórum til að sækja bílana í Núpsstaðarskógi. Vegalengd ca 20 km og hækkun ca 500 m.

UNDIRBÚNINGUR
Það er þægilegt að æfa sig í Esjunni fyrir svona ferð. Það er óþarfi að æfa með fulla bakpoka en skynsamlegt að nota 5-10 kg í æfingaferðum, þ.e. byrja með 5 kg og þyngja smám saman upp í 10 kg. Það má hugsa sér að taka gönguferðir með hækkun upp á 4000 metra og skipta því niður á fimm vikur.

ÚTBÚNAÐUR
Haldinn verður rafrænn undirbúningsfundur í maí þar sem betur verður fjallað um ferðaáætlun, ítarlega um útbúnað og nesti, undirbúning og fleira. Hér er þó samantekt um það nauðsynlegasta:
Þriggja árstíða tjald, svefnpoki og létt einangrunardýna. Bakpoki 50-80 L, göngustafir, jöklabúnaður (belti, karabína, öxi og fjallabroddar). Næringarríkt nesti og prímus. Góð skel, húfa, vettlingar, tvö einangrandi lög og innanundirfatnaður úr ull. Göngubuxur sem hægt er að renna skálmum af eða með göngupils. Vaðskór sem geta nýst sem tjaldskór á kvöldin. Við getum leigt jöklabúnað fyrir sanngjarnt verð. Gott er að deila tjaldi og prímus með öðrum til að létta burð.

VERÐ OG BÓKANIR
Verð fyrir manninn er kr. 44.000 m/vsk
Innifalið: Innifalið er skipulag og fararstjórn.
Ekki innifalið: gisting eða tjaldsvæði við Skaftafell.
Hámarksfjöldi í ferðina er 20 manns og lágmark er 10 manns.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn sem notendur, veljið greiðslufyrirkomulag og þá er allt klappað og klárt). Auðvelt er að hlaða niður pdf kvittun úr kerfinu. Það er hægt að dreifa greiðslum á nokkra mánuði og ekki vaxtakostnaður af slíku.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 10.500 inn á reikning: 515-26-530314. Kt. 530314-0650. Senda afrit á einarskula@hotmail.com og merkja „nups“. Muna að fullgreiða sex vikum fyrir brottför (13. júní).
Þegar búið er að bóka ferð þá er hægt að sækja um aðgang að lokuðum hóp á Facebook. Þar verða ýmsar praktískar upplýsingar fyrir ferð og fleira.

SKILMÁLAR
Ígildi staðfestingargjalds í þessa ferð er kr. 10.500 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (13. júní). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Snæfellsjökulsþjóðgarður er uppfullur af sérstæðri náttúru og miklum söguminjum. Landið er mótað af eldvirkni, jökul- og sjávarrofi. Jarðfræði, dýralíf og gróðurfar er fjölbreytt og góðar líkur á að refir sjáist á ferð. Í þessari ferð verður gengið um ýmsar gamlar þjóðleiðir í þjóðgarðinum. Fyrsta daginn göngum við um Búðahraun. Á degi tvö verður gengið frá Bervík yfir á Malarrif og þriðja daginn verður gengið Neshraun og Öndverðarnes. Margt er að skoða á þessum leiðum og margar sögur að segja auk þess að náttúran á svæðinu er stórbrotin. Athugið að fólk kemur á eigin vegum á Snæfellsnes en sjálfsagt er að vera í sambandi fyrir ferð til að deila bílum. Hægt verður að fá gistingu á Staðarstað á hagstæðu verði og auk þessu eru mjög fínt tjaldsvæði á Ólafsvík og Hellissandi. Þá er margvísleg önnur gisting er í boði á svæðinu. Einnig þarf að hafa í huga að við ferjum bíla á milli upphafs- og lokastaða í göngunni á laugardeginum.

Um leiðsögn sjá Gunnar Gunnarsson og Rakel G. Magnúsdóttir

DAGSKRÁ

Föstudagur 11. júlí – Jaðargata – Búðahraun

Við hittumst á bílastæðinu við Bjarnarfoss kl 11:00 og sameinumst í bíla áður en við keyrum að Axlarhól. Þaðan göngum við um Jaðargötu á slóðum Axlar-Bjarnar. Þegar við komum að Miðhúsi höldum við til baka í gegnum Búðahraun og kíkjum á Búðahelli og Búðaklett. Við skoðum svo aðeins Frambúðir og fjöruna á Búðum áður en við förum aftur inn á Jaðarsgötu og göngum til baka að Axlarhóli.

Gangan er um 14 km og hækkun um 150 m. Gangan tekur um 5 tíma.

Laugardagur 12. júlí – Bervík – Malarrif
Við hittumst við gestastofuna á Malarrifi kl 8:00. Þar þurfum við að skilja eftir nokkra bíla og keyrum svo yfir á bílastæði nærri Nýjubúð í Bervík. Við göngum svo eftir stígum sem liggja með ströndinni og á leiðinni skoðum við ummerki útgerðar í Dritvík, kíkjum í fjöruna á Djúpalónssandi og heilsum þar upp á tröllkonuna áður en við höldum áfram á Malarrif.

Gangan er um 18 km og uppsöfnuð hækkun um 200 m. Áætlað er að gangan taki 6-8 tíma

Sunnudagur 13. júlí – Öndverðarnes
Við hittumst við þjóðgarðamiðstöðina á Hellissandi kl. 9:00 og getum sameinast þar í bíla eins og vilji er til. Þaðan keyrum við svo að bílastæðinu við upphaf gönguleiðarinnar um Öndverðarneshóla og göngum að hólunum, þaðan yfir að Saxhólsbjargi og fylgjum bjarginu að Skálasnaga og kíkjum þar á fuglalífið. Áfram göngum við svo á Öndverðanes þar sem brunnurinn Fálki er og höldum svo þaðan yfir í Skarðsvík áður en við endum gönguna á bílastæðinu. Við gerum ráð fyrir að klára gönguna um þrjúleytið og því nægur tími til að keyra heim.

Vegalengd göngunnar um Öndverðarnes er um 15 km, uppsöfnuð hækkun um 100 m og áætlum við að gangan taki um 5-6 tíma.

LÍKAMLEGT FORM

Þó að leiðirnar sem slíkar séu ekki krefjandi getur það reynt á að ganga þrjá langa daga í röð. Því er mikilvægt að byggja upp gönguform til þess að líða vel í ferðinni og best er að æfa sig í göngu. Upplagt er að ganga reglulega á Úlfarfellið eða sambærileg fjall síðustu 4-6 vikurnar fyrir ferð. Þá getur verið gott að vera með bakpokann sem þið áætlið að nota í ferðinni. Síðustu 2-3 daga fyrir ferð er svo gott að hvíla

VERÐ OG BÓKANIR

Verð kr. 28.000 m/vsk

Innifalið: fararstjórn.
Ekki innifalið: gisting, bílfar, matur eða annað.

Bókanir fara fram í Abler bókunarkerfinu (þið smellið á tengilinn, skráið ykkur inn sem notendur og veljið ferðina, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.
Þá er einnig mögulegt að greiða með millifærslu. Greiðsla jafngildir bókun. Greiðið inn á reikning 0515-26-530314 kt. 530314-0650 og sendið staðfestingu merkt „snæjúl“ á einarskula@hotmail.com. Munið að fullgreiða fyrir 1. júní.
Þegar skráningu er lokið er hægt að sækja um aðild að lokaða hópnum fyrir ferðina.

SKILMÁLAR

Ígildi staðfestingargjalds í þessa ferð er kr. 5.400 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja bókunina til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. sex vikum fyrir brottför (1. júní). Ef greiðsla hefur ekki borist innan settra tímamarka má búast við að ferðin verði seld öðrum.
Afbókanir: Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef hætt er við ferð þá fæst full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Yfirbragð heiðarbýlanna á Jökuldalsheiði er sambland harneskjulegra aðstæðna, þrautseigju fólksins sem bjó þar og kannski rómantískrar sýn okkar hinna sem bjuggum ekki á staðnum.
Í batnandi tíðafari um miðja 19. öld og í kjölfar fólksfjölgunar og takmarkaðs landrýmis þá fór svo að fjöldi fólks byggði sér býli inn til heiða. Á Jökuldalsheiði urðu þessi býli tiltölulega mörg á svæði sem er þó í 5-600 m hæð yfir sjávarmáli. Kólnandi veðurfar á seinni hluta 19. aldar og gosið í Öskju 1875 neyddi fólk á brott og margir fóru vestur um haf. Einhver býli byggðust aftur upp en búsetu lauk fyrir miðja 20. öld.

Margir þekkja bækur Ólafs Jóhanns Sigurðssonar, Huldu, Gunnars Gunnarssonar, Jóns Trausta, Halldórs Laxness og jafnvel Guðrúnar frá Lundi sem fjalla með einum eða öðrum hættu um lífsbaráttuna í litlum kotbýlum við erfiðar aðstæður. Það setur bækurnar í nýtt samhengi að koma á staðinu sjálfa og skynja náttúruna og umhverfið. Lyktin af gróðrinum, golan á vangann og fjöllin í fjarska gera þetta enn innihaldsríkara.
Við ætlum að skoða okkur um á þessum slóðum í lok júlí og heimsækja nokkur bæjarstæði og velta fyrir okkur afdrifum fólksins. Við verðum með bækistöð í hinu endurbyggða Sænautaseli, göngum gamlar götur, höldum kvöldvöku og njótum þess að vera í heiðarloftinu á besta tíma ársins.
Fararstjóri í ferðinni verður Einar Skúlason.

DAGSKRÁ

Sunnudagurinn 27. júlí – nokkur heiðarbýli
Þau sem komast þennan dag geta komið með í göngutúra að tóftum nokkurra heiðarbýla. Við sjáum til eftir veðri hvað við heimsækjum mörg. Hittumst kl. 15 að Sænautaseli, sameinumst í bíla og förum á rúntinn. Göngurnar eru fremur stuttar, á bilinu 500 m til 3 km.
Um kvöldið verður súpufundur í veitingaskálanum að Sænautaseli þar sem við kynnumst og spáum í ferðadaga framundan. Athugið að mögulega verður dagskrá næstu tveggja daga víxlað ef veðurspá gefur ástæðu til, en kvöldvakan verður þó engu að síður á mánudagskvöldinu.

Mánudagurinn 28. júlí – Gamla þjóðleiðin frá Hákonarstöðum
Eftir morgunmatinn sameinumst við í bíla í Sænautaseli og keyrum niður í Jökuldal. Þar kíkjum við á Stuðlagilið fræga og göngum svo frá Hákonarstöðum og upp á Jökuldalsheiðina. Við tökum eðlileg stopp á leiðinni eins og fólk forðum. Við stöldrum við hjá hinni hlöðnu Víðirhólarétt, tóftunum að Víðirhólum (í eyði 1905) og hjá tóftum Veturhúsa (í eyði 1941) og endum á að ganga að Sænautaseli (í eyði 1943). Það er frekar greiðfært að ganga þessa dagleið og má þakka það öskufallinu úr Öskjugosinu 1875. Það er ekki grýtt nema á stuttum köflum og eitthvað er um mýrlendi sem þarf að krækja framhjá og læki sem þarf að stikla. Það þarf að vaða einu sinni til tvisvar en það er auðvelt. Eftir göngu þarf að skutla bílstjórum til að sækja bílana niður í Jökuldal.
Um kvöldið er kvöldvaka í veitingaskálanum að Sænautaseli. Páll Pálsson frá Aðalbóli ætlar að vera með okkur á kvöldvökunni. Hann er hafsjór af fróðleik um mannlífið á Jökuldalsheiði fyrrum og kann urmul sagna af ábúendum.
Vegalengd göngu ca 20 km og uppsöfnuð hækkun um 450 m

Þriðjudagur 29. júlí – fleiri heiðarbýli og Skessugarður
Eftir morgunmat keyrum við að Heiðarseli (í eyði 1946) og kíkjum á tóftirnar (samtals ganga 2 km). Svo keyrum við að Netseli og göngum að tóftunum (samtals 2 km). Göngum svo að tóftum Grunnavatns (í eyði 1923) og þaðan alla leið að Sænautaseli ca 6,5 km leið og tökum síðbúið hádegishlé og sækjum bíla þangað sem við skildum þá eftir. Eftir hlé keyrum við að Grjótgarðshálsi og skoðum Skessugarð og göngum svo þaðan til baka ca 5 km leið að Sænautaseli meðfram Sænautafelli. Þau sem vilja geta toppað fellið í leiðinni.
Samtals vegalengd göngu þennan dag er því um 15,5 km.

ÚTBÚNAÐUR
Varðandi útbúnað þá þarf að vera með góðan dagspoka á bakinu sem hefur góðar mjaðmaólar til að bera þyngdina. Í farteskinu þarf að vera nesti fyrir daginn, gott er að hafa hitabrúsa með heitum drykk. Nánar er farið yfir útbúnað á undirbúningsfundi maí.

GISTING
Nokkrir möguleikar eru í gistingu. Í grunninn er gert er ráð fyrir að þátttakendur mæti með tjöld eða ferðavagna og gisti á tjaldsvæðinu við Sænautasel. Þar er hefðbundin grunnþjónusta við fólk á tjaldsvæðum. Einnig er hægt að bóka uppbúna gistingu á baðstofuloftinu í torfbænum á Sænautaseli á Airbnb ef það er laust. Þar er pláss fyrir fjóra til fimm í gistingu.
Tilboð er til göngugesta frá Hótel Stuðlagili, Skjöldólfsstöðum. Fimm hótelherbergi laus á tilboðsverði kr. 59.000 fyrir tvær nætur 27-29. júlí með morgunverði. Greiðist við bókun og endurgreiðanlegt til 1. júlí 2025. Bókist á info@hotelstudlagil.com. Upplýsingar um tilboðið í síma: 8613677 (Arngrímur Viðar). Akstur frá Sænautaseli tekur rúmar 20 mín.

MATUR
Við verðum með sameiginlegan kvöldmat og kvöldvöku á mánudagskvöldinu og þá verður lambalæri í boði með hefðbundnu meðlæti. Á sunnudagskvöldinu verður kjötsúpa. Á mánudag og þriðjudag verður morgunverðarhlaðborð og í boði að gera tvær samlokur úr hlaðborðinu í nesti. Athugið að ef þið borðið ekki kjöt verður hægt að fá aðra máltíð í staðinn.

VERÐ OG BÓKANIR

Verð fyrir manninn er kr. 36.000 m/vsk.

Innifalin er fararstjórn, kvöldverður tvö kvöld og kvöldvaka og morgunmatur ásamt nesti í tvo daga.

Verð kr. 30.000 m/vsk á mann án morgunverðar og nestis (en með kvöldverð tvö kvöld og kvöldvöku á mánudagskvöldi).

Verð kr. 22.000 m/vsk ef sleppt er öllum máltíðum, morgunmat og nesti.

Ekki innifalið: Gisting eða tjaldsvæði, athugið að ekki er gert ráð fyrir rútu heldur munum við nýta okkar eigin bíla til þess að komast á milli göngustaða.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn sem notendur í kerfið, veljið að lokum greiðslufyrirkomulag og þá er allt klappað og klárt). Auðvelt er að hlaða niður pdf kvittun úr kerfinu. Það er hægt að dreifa greiðslum á nokkra mánuði og ekki vaxtakostnaður af slíku.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 6.600 inn á reikning: 515-26-530314. Kt. 530314-0650. Senda afrit á einarskula@hotmail.com og merkja „heiði“. Muna að fullgreiða sex vikum fyrir brottför (um miðjan júní).

Þegar búið er að bóka ferð þá er hægt að sækja um aðgang að lokuðum hóp á Facebook. Þar verða ýmsar praktískar upplýsingar fyrir ferð og fleira fyrir þátttakendur.

SKILMÁLAR
Ígildi staðfestingargjalds í þessa ferð er kr. 6.500 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (miðjan júní). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Viðbót: Athugið að uppbókað er í skála, þið getið þó athugað með skála í gegnum Ferðafélag Íslands og keypt ferðina án skála (10. mars kl. 08:30) 

Við ætlum að fara hina klassísku leið um Laugaveginn á milli Landmannalauga og Þórsmerkur um verslunarmannahelgina. Þessi þriggja daga trússaða ferð er hönnuð til þess að fara ekki út fyrir frídaga og er upplögð fyrir þau sem vilja hafa valkost við útihátíðir. Sérstök athygli er vakin á afslætti fyrir 18 ára og yngri.
Leiðin er ótrúlega fjölbreytt og er farið um hraun, hásléttur, jarðhitasvæði, mikla litadýrð, snjóbreiður, svarta sanda og skóglendi. Útsýnið er margbreytilegt og sést til jökla og margra fallegra fjalla. Enginn fer þessa leið án þess að vera snortinn af fegurðinni.

DAGSKRÁ

Laugardagur 2. ágúst: Reykjavík – Landmannalaugar – Álftavatn
Brottför frá Reykjavík er kl. 7 og komið er upp í Landmannalaugar um kl. 10:30 og stoppað í hálftíma þar til að undirbúa brottför. Svo er gengið af stað og farið um Laugahraun, hjá Stórahver og staldrað við hjá skálanum í Hrafntinnuskeri. Þaðan er farið um hrygginn milli Kaldaklofsfjalla og Jökulgils og niður Jökultungur. Grashagakvíslina þarf að vaða eða stikla og þaðan er þægileg leið að Álftavatni þar sem trússkerran bíður eftir okkur. Gönguvegalengd þennan dag er um 24 km.

Sunnudagur 3. ágúst: Álftavatn – Emstrur
Trússi komið fyrir í trússkerrunni og lagt af stað snemma. Frá Álftavatni er gengið í Hvanngil og þarf að vaða Bratthálskvíslina sem er lítið mál. Farið er á göngubrú yfir Kaldaklofskvísl en svo þarf að vaða Bláfjallakvísl. Nú er komið að gróðursnauðu svæði að brúnni yfir Innri-Emstruá og þaðan er gengið á söndum nánast alla leiðina að skálanum í Botnum í Emstrum þar sem trússkerran bíður. Gönguvegalengd þennan dag er um 15 km.

Mánudagur 4. ágúst: Emstrur – Húsadalur í Þórsmörk – Reykjavík
Trússi komið fyrir í trússkerrunni og lagt af stað. Frá Botnum er gengið fyrir Syðri-Emstruárgljúfur sem nær langleiðina að Entujökli. Brattur krákustígur er niður að göngubrúnni á Syðri-Emstruá og er fallegt að fara yfir göngubrúna í gljúfrinu. Eftir ármótin á Markarfljóti og Syðri-Emstruá hefst ganga suður Almenninga. Slyppugil og Bjórgil verða á vegi okkar og svo er göngubrú yfir Ljósá. Handan við hæðarhrygginn Kápu er Þröngá og hana þarf að vaða og eftir það er gengið í skóglendi niður í Húsadal. Þar er veitingastaður og ýmis önnur þjónusta. Við verðum sótt þangað seinnipartinn og komum í bæinn síðla kvölds. Gönguvegalengd þennan dag er um 15 km.

NESTI OG ÚTBÚNAÐUR
Athugið að ofgera ekki vistum í trúss og sameinast um kælibox. Mælt er með því að undirbúa nesti áður en ferðin hefst og hafa það sem mest tilbúið. Það sparar tíma í ferðinni og gefur meira færi á að njóta. Haldinn verður undirbúningsfundur í maí til að fara yfir dagskrá, útbúnað, nesti og mat og fleira gagnlegt. Við skoðum það hvort grundvöllur er fyrir sameiginlegum kvöldmat.

ÆFINGAR
Gert er ráð fyrir að fólk sé í nægilega góðri æfingu til að ganga alla þrjá dagana. Æfingaprógramm getur t.d. falið í sér að taka eitt Úlfarsfell og eitt Helgafell í Hafnarfirði í hverri viku í apríl og maí og fara einu sinni í viku upp að Steini og taka tvöfalt Úlfarsfell í hverri viku í júní og júlí. Gott er að miða við að komast upp að Steini á innan við 70 mínútum í júní án þess að vera uppgefinn eða finna fyrir eftirköstum þess um kvöldið eða daginn eftir. Munið að æfa ávallt með bakpoka. Þau sem eru í góðri æfingu njóta ferðarinnar mun betur fyrir bragðið.

VERÐ OG BÓKANIR

Verð í skála er kr. 114.000 m/vsk
Verð án skála kr. 79.000 m/vsk.

Innifalið er far í rútu frá Reykjavík til Landmannalauga og aftur til Reykjavíkur frá Þórsmörk, trúss og fararstjórn/leiðsögn, hafragrautur og kaffi á morgnana.
Ekki eru innifalin tjaldsvæða- eða aðstöðugjöld, kvöldmatur eða nesti.
Athugið að 15% afsláttur er fyrir 18 ára og yngri og fyrir elli- eða örorkulífeyrisþega.

Bókanir fara fram á https://www.sportabler.com/shop/vesenisferdir (þið smellið á bóka núna eða afritið tengilinn og setjið í vafra, skráið ykkur inn sem notendur, veljið greiðslufyrirkomulag og þá er allt klappað og klárt). Auðvelt er að hlaða niður pdf kvittun úr kerfinu. Það er hægt að dreifa greiðslum á nokkra mánuði og ekki vaxtakostnaður af slíku.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 19.500 inn á reikning: 515-26-530314. Kt. 530314-0650. Senda afrit á einarskula@hotmail.com og merkja „laugavegur“ – hafið samband ef um skálagistingu er að ræða. Muna að fullgreiða sex vikum fyrir brottför (um miðjan júní).
Hámarksfjöldi í ferðina er 35 manns og lágmark er 20 manns.

Þegar búið er að bóka ferð þá er hægt að sækja um aðgang að lokuðum hóp á Facebook. Þar verða ýmsar praktískar upplýsingar fyrir ferð og fleira.

SKILMÁLAR
Ígildi staðfestingargjalds í þessa ferð er kr. 19.500 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (miðjan júní). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Í byrjun júní ætlum við í ferð vestur á firði til þess að skoða margar af helstu náttúruperlum Vestfjarða og ganga ótrúlega fallegar leiðir. Við göngum inn með Vatnsdalsvatni í friðlandinu í Vatnsfirði, fara gömlu leiðina yfir Fossheiði frá Arnarfirði að Barðaströnd, og ganga meðfram öllu Látrabjargi, Keflavíkurbjargi og yfir á Rauðasand. Á þessum tíma er fuglalífið í hámarki, gróðurinn er búinn að taka lit að mestu og farið að styttast í sumarsólstöður. Þetta verður stórkostleg ferð.
Hægt verður að velja á milli þess að vera í hótelgistingu, í svefnpokaplássi eða í tjaldi. Við förum í rútu frá Reykjavík og hún nýtist vel í gönguferðunum sem eru flestar frá einum stað til annars. Við leggjum af stað á uppstigningardag og því þarf aðeins að taka frí einn virkan dag.
Þarna er tækifæri til að hefja sumarið í fallegu umhverfi og í góðra vina hóp.

DAGSKRÁIN

29. maí Keyrt frá Reykjavík og gengið í Vatnsfirði
Við keyrum af stað frá Reykjavík kl. 9. Nokkur stutt stopp verða á leiðinni en lengsta stoppið verður í friðlandinu í Vatnsfirði. Þá munum við ganga inn með Vatnsdalsvatni, upp með Lambagili og svo niður með Þingmannaá. Vegalengd er ca 9 km og 300 m hækkun.
Svo höldum við áfram inn í Breiðavík og komum okkur fyrir. Það er tilvalið að taka kvöldgöngu niður á strönd.

30. maí Geldingaskorardalur – Bjargtangar (Látrabjarg endilangt)
Við hefjum daginn snemma í morgunverðarhlaðborði og fáum svo far með rútunni að upphafsstað göngu við Geldingaskorardal og göngum í vesturátt meðfram Látrabjargi. Sagan verður sögð af frækilegu björgunarafreki sem var unnið í desember 1947 þegar togarinn Dhoon strandaði undir bjarginu. Við getum átt von á því að komast í eins til tveggja metra fjarlægð frá lunda, sjá töluvert af álku enda er þetta stærsta álkubyggð í heimi og munum sjá mikinn fjölda annarra fuglategunda. Það er sniðugt að taka með sér kíki þennan dag því að við munum staldra oft við á leiðinni og fylgjast með fuglinum. Rútan mun bíða okkar við vitann á Bjargtöngum. Gangan þennan dag er ca 10 km og uppsöfnuð hækkun um 250 m.
Þau sem vilja fara út á Látrahálsi í bakaleiðinni. Við göngum gömlu leiðina niður í fjöru, kíkjum á tóftir sjóbúðanna þar og göngum svo í fjörunni að gististaðnum okkar í Breiðavík. Gönguvegalengd er rúmir 5 km. Um kvöldið verðum við með kvöldvöku.

31. maí Fossfjörður – Barðaströnd um Sandsheiði
Endurtökum morgunverðarstemningu frá deginum áður og fáum svo far með rútunni í Fossfjörð. Eftir að hafa kíkt á fossinn þá leggjum við á Fossheiðina og göngum vel varðaða leið yfir á Barðaströnd um Sandsheiði þar sem við hittum rútuna aftur og stefnum á því að enda í Krosslaug á Laugarnesi við Birkimel áður en við keyrum aftur í Breiðavík. Vegalengd göngu er 15-16 km og 500 m hækkun.

1. júní Látraheiði – Keflavík – Rauðasandur og keyrt suður
Við hefjum daginn eins og fyrri daginn í morgunverðarhlaðborði, fáum hitabrúsa okkar fyllta af kaffi eða heitu vatni og smyrjum einfalt nesti. Þau sem eru í tjöldum þurfa að taka þau saman og við hlöðum svo öllum okkar farangri um borð í rútuna. Svo fáum við far að sama stað og við hófum göngu daginn áður en göngum nú eftir Látraheiði í hina áttina til Keflavíkur og Rauðasands. Í Keflavík eru skýrar minjar um búsetu og einnig slysavarnarskýli og við skoðum það vel. Svo förum við yfir Kerlingarháls og niður á Rauðasand. Þar munum við ekki flýta okkur og jafnvel fara úr sokkum og skóm og vaða í flæðarmálinu. Við hittum svo fyrir rútuna aftur og keyrum suður til Reykjavíkur með kvöldmatarstoppi. Komum svo síðla kvölds til Reykjavíkur.
Vegalengd þennan dag er ca 16 km og uppsöfnuð hækkun ca 350 m.

FARARSTJÓRN
Einar Skúlason og Hákon Ásgeirsson verða fararstjórar. Hákon var landvörður til nokkurra ára á svæðinu og Einar hefur margra ára reynslu í fararstjórn á þessu svæði og víðar um landið.

UNDIRBÚNINGUR
Það þarf að æfa fyrir fjögurra daga ferð. Best er að setja upp æfingaplan og nota vegalengd og hækkun til að þjálfa vöðva og þol. Á höfuðborgarsvæðinu henta Esjan, Úlfarsfell og Helgafell ágætlega til æfinga. Gott er að miða við fimm ferðir upp að Steini á síðustu fimm vikum fyrir ferð eða 12 ferðir upp á Úlfarsfell. Munið að hvíla síðustu tvo dagana fyrir ferð.

ÚTBÚNAÐUR
Eins og oft áður skipta skórnir mestu máli, að það sé grófur sóli og vatnsvörn og gott að hafa sokka til skiptana. Klæðist ull eða gerviefnum og skiljið bómull eftir heima. Það er hægt að vera í léttum göngubuxum og einangrandi að ofan og svo með góða skel, bæði buxur og jakka. Húfa og vettlingar eiga að vera til staðar. Fínt að hafa stafi ef þið eigið slíka og gott að hafa plástra í pokanum.
Haldinn verður undirbúningsfundur í apríl þar sem betur verður fjallað um ferðaáætlun, útbúnað og fleira.

VERÐ OG BÓKANIR

• Gisting í uppbúnu tveggja manna herbergi með sér baðherbergi kostar kr. 124.000.
• Gisting í uppbúnu tveggja til fjögurra manna herbergi með sameiginlegu baðherbergi kr. 108.000
• Svefnpokapláss í tveggja manna herbergi kostar kr. 96.000
• Tjaldgisting kostar kr. 83.000

Innifalið: Rúta frá Reykjavík og til baka, gisting/svefnpokapláss/tjaldsvæði í þrjár nætur, morgunverður og leiðsögn.

Ekki innifalið: Matur sem er ekki talinn upp og drykkir, aðgangseyrir í sundlaugina við Birkimel eða annað sem er ekki talið upp sem innifalið.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn, veljið greiðslufyrirkomulag og þá er allt klappað og klárt). Auðvelt er að hlaða niður pdf kvittun úr kerfinu. Það er hægt að dreifa greiðslum á nokkra mánuði og ekki vaxtakostnaður af slíku. Ef þið lendið í vandræðum í innskráningu þá eru leiðbeiningar hér.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 18.500 inn á reikning: 515-26-530314. Kt. 530314-0650. Senda þarf tölvupóst á einarskula@hotmail.com og taka fram hvernig gisting valin. Muna að fullgreiða sex vikum fyrir brottför (17. apríl).
Þegar búið er að bóka ferð þá er hægt að sækja um aðgang að lokuðum hóp á Facebook. Þar verða ýmsar praktískar upplýsingar fyrir ferð og fleira.
https://www.facebook.com/groups/958436056209280

SKILMÁLAR
Ígildi staðfestingargjalds í þessa ferð er kr. 18.500 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (17. apríl). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Við verðum með fjórar ferðir að Grænahrygg sumarið 2025. Í öllum ferðunum ætlum við að skoða Grænahrygg og halda svo áfram göngu inn í Jökulgil og um Uppgönguhrygg og enda gönguna í Landmannalaugum. Ferðirnar eru áætlaðar laugardagana 9. ágúst, 16. ágúst, 30. ágúst og 6. september. Alla þessa daga er sunnudagur til vara ef veður reynist ekki nægilega gott á laugardeginum.

Við tökum rútu frá Reykjavík í bítið og keyrum austur að Fjallabaki og göngum af stað frá Kýlingum. Þaðan er farið um Halldórsgil og Sveinsgil að Grænahrygg. Áfram er haldið meðfram hinum litríku Þrengslum og yfir í Hattver og um Uppgönguhrygg þar sem enn bætir í litadýrðina. Þaðan er farið í hlíðum Skalla og á Reykjakoll þar sem sést í Brandsgilin og yfir Landmannalaugasvæðið. Við lækkum okkur svo niður og göngum á jafnsléttu í lokin inn í Laugar.

BROTTFARARSTAÐUR
Við tökum rútu frá bílastæðinu við prentsmiðju Morgunblaðsins í Hádegismóum og hún leggur af stað kl. 7 að morgni.
Hægt er að koma upp í rútuna við Olís á Selfossi, en þið verðið að láta vita í einarskula hjá hotmail.com.
Athugið að við verðum með rútuna allan daginn, þannig að það er tilvalið að geyma með tösku þar á meðan við göngum. Í þessari aukatösku geta t.d. verið föt og skór, aukanesti og drykkir.

VEGALENGD OG TÍMI
Vegalengd: ca 20 km
Heildarhækkun: ca 1100 m
Göngutími með stoppum: ca 10 tímar

UNDIRBÚNINGUR

Það þarf að æfa fyrir göngu sem þessa enda er töluverð hækkun á leiðinni auk vegalengdarinnar og þá þarf jafnframt að vaða. Besta leiðin til að æfa er að stunda göngur á fjöll með góðri hækkun. Esjan er upplögð í æfingar og til dæmis hægt að fara á Móskarðshnúka, Smáþúfur, Kerhólakamb eða einfaldlega upp að Steini. Gott er að miða við að minnsta kosti 500 m hækkun í hvert skipti og fara tvisvar í viku síðustu fimm vikur fyrir ferð. Þá er formið orðið gott og forsendur til að njóta ferðarinnar í botn. Gott er að nota búnaðinn í æfingunum sem þið ætlið að nota í ferðinni og muna að hvíla síðustu tvo til þrjá dagana fyrir ferð.

ÚTBÚNAÐUR OG NESTI

Við göngum á slóðum á hryggjum og í grýttu og yfir ár. Þetta er fjölbreytt færi og því er betra að vera í gönguskóm en í léttum hlaupaskóm. En best er að vera í skóm sem ykkur líður vel í en gætið þess þó að botninn á skónum sé grófur. Vaðskór eru nauðsynlegir  (t.d. teva, crocs, gamla strigaskó eða annað sem hentar).

Miða þarf fatnað við veðurspá.  Almennt séð er miðað við að taka skelina með (vind- og vatnsþéttar buxur og jakka), vettlinga/hanska og húfu. Gott að vera í ull að ofan en ef þið eruð í göngubuxum þá eru ullarbuxur óþarfar (nema að þið ætlið að ganga í skeljabuxunum og viljið vera í ull þar fyrir innan og sleppa göngubuxum). Takið með göngustafi, góðan dagspoka, aukaúlpu t.d. dún eða primaloft til að klæðast í nesti og aukasokka til að hafa möguleika á að skipta í miðri göngu. Það eru lækir á leiðinni, en gott að hafa hitabrúsa með kakó/te/kaffi, nesti sem er ykkur að skapi og dugar alla gönguna og nasl til að stinga upp í sig á leiðinni (hnetur, rúsínur, súkkulaði).
Takið með plástra og verkjalyf. Gætið þess að pakka í plastpoka eða vatnsþétta poka ofan í bakpokann ef það skyldi rigna.
Þetta er löng ganga og því tökum við að sjálfsögðu nesti tvisvar til þrisvar, stoppum öðru hvoru og gætum þess að fara á skynsamlegum hraða.

VERÐ OG BÓKANIR

Verð í ferðina er kr. 29.500 m/vsk

Innifalið: Rúta frá Reykjavík og til baka og leiðsögn.

Bókanir fara fram á Abler. Beinir tenglar á bókun fyrir hverja dagsetningu: 9. ágúst, 16. ágúst, 30. ágúst og 6. september (þið smellið á tengilinn, skráið ykkur inn sem notendur og veljið þá ferð sem passar, ákveðið greiðslufyrirkomulag og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu. Greiðsla jafngildir bókun og merkið færsluna með viðeigandi merkingu á borð við: „Græni9ág“ . Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.

SKILMÁLAR

Ígildi staðfestingargjalds í þessa ferð er kr. 9.000 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með. Fargjald þarf að greiða að fullu a.m.k. sex vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.

Afbókanir: Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3-0 dögum fyrir brottför: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef ferð er felld niður kemur fullt endurgjald til farþega.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.