Vesen og brölt haust er sería af láglendisgöngum og um aflíðandi brekkur frá miðjum ágúst og fram í byrjun desember sem miðast meðal annars við að hjálpa fólki að komast í betra form, en um leið að njóta fallegrar náttúru í lok sumars, inn í haustlitina og fyrstu vikur vetrar.

Á dagskrá eru sextán fjölbreyttar göngur á höfuðborgarsvæðinu og á suðvesturhorninu sem skiptast í tólf mánudagsgöngur og fjórar dagsgöngur. Kvöldgöngurnar eru skipulagðar þannig að meirihluti þeirra er framan af til þess að nýta birtuna betur á meðan hennar nýtur við. Auk hreyfingarinnar þá er miðlað fjölbreyttum fróðleik um náttúru, sögu, örnefni og útbúnað. Þátttakendur þurfa að koma sér sjálfir á staðinn en fá boð um tíma og stað fyrir hverja göngu til að sameinast í bíla til að minnka mengun og auka samskipti.

Hist er síðdegis og gengið af stað um kl. 18 á mánudögum og um og upp úr kl. 9 á sunnudagsmorgnum. Ef veður er slæmt á sunnudegi þá er laugardagur til vara.
Stofnaður hefur verið lokaður Facebook hópur fyrir þátttakendur og þar er tilkynnt um hverja göngu með eins til tveggja daga fyrirvara og miðlað ýmis konar fræðslu. Sækið um aðgang að lokaða hópnum á Facebook á þessum tengli þegar búið er að ganga frá skráningu.

Athugið að fjórir möguleikar eru í boði; „allt prógrammið“, „einungis helgargöngur“, „aðeins virka daga“ eða „bland í poka“ (tvær dagsgöngur og sex kvöldgöngur að eigin vali).

DAGSKRÁ

1 Mánud 18-Aug-25 opin upphitunarganga
2 Mánud 25-Aug-25
3 Mánud 01-Sep-25
4 Sunnud 07-Sep-25 Dagsganga
5 Mánud 15-Sep-25
6 Mánud 22-Sep-25
7 Mánud 29-Sep-25
8 Mánud 06-Oct-25
9 Mánud 13-Oct-25
10 Sunnud 19-Oct-25 Dagsganga
11 Mánud 20-Oct-25
12 Mánud 27-Oct-25
13 Mánud 10-Nov-25
14 Sunnud 16-Nov-25 Dagsganga
15 Mánud 24-Nov-25
16 Sunnud 07-Dec-25 Dagsganga

Búið er að taka saman nokkrar göngur sem koma til greina og verður metið út frá veðri og aðstæðum hvað verður fyrir valinu hverju sinni. Ef ástæða er til verða enn aðrar göngur teknar á dagskrá og falla þá einhverjar út á móti. Hver ganga er kynnt í lokaða hópnum með eins til tveggja daga fyrirvara og þá er útskýrt nákvæmlega hvar á að mæta og fjallað um gönguleiðina, aðstæður og veðurspána:

Mánudagsgöngur: Þær geta verið á bilinu 4-8 km og fer vegalengd og hækkun eftir aðstæðum, algengasta vegalengdin er um 5 km. Við göngum víða eða til dæmis í upplandi Mosfellsbæjar, Reykjavíkur, Kópavogs, Garðabæjar og Hafnarfjarðar og í nágrenni. Einnig geta verið göngur meðfram sjávarsíðunni og við græn svæði í byggð á höfuðborgarsvæðinu. Við metum aðstæður út frá veðri og færð og tilkynnum hverja göngu í lokaða Facebook hópnum með eins til tveggja daga fyrirvara.

Stefnt er á eftirfarandi sunnudagsgöngur:

• Varnargarðar, gígar og misgengi í Grindavík (og súpa á eftir) ca 8 km
• Haustlitaferð í Borgarfjörð með Paradísarlaut og Glanna, skógargöngu við Hreðavatn og fleira
• Akranes á Mýrum, sandfjara og skarfar á skerjum 10 km
• Með Laxá í Kjós frá Stíflisdal framhjá Þórufossi að Hækingsdal 6-7 km

UMSJÓN
Leiðbeinendur eru Einar Skúlason, Gunnar Gunnarsson, Rakel G. Magnúsdóttir og Þórdís Sigurgeirsdóttir. Þau hafa öll komið mikið að göngum í brölthópunum í leiðsögn.

VERÐ OG BÓKANIR

Verð fyrir manninn í allt prógrammið er kr. 59.500.

Verð einungis dagsgöngurnar er kr. 25.000.

Verð einungis í kvöldgöngurnar er kr. 43.000.

Verð fyrir bland í poka (sex kvöldgöngur og tvær dagsgöngur að eigin vali) kr. 35.000.

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu. Greiðsla jafngildir bókun og merkið færsluna „brölt“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Lágmarksfjöldi í hópnum miðað við fólk í fullu prógrammi er 20 en hámarksfjöldi 50.

Þegar bókun er lokið er hægt að sækja um aðgang að lokaða
hópnum.

Afsláttarkjör: Þau sem voru skráð á Vesenisnámskeið í sumar eða í vor 2025 eða eru elli-og örorkulífeyrisþega fá 15% afslátt. Veljið í bókunarferlinu. Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%) og aðeins er veittur afsláttur ef tekið er allt prógrammið.

SKILMÁLAR

Athugið að Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað. Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Fyrirvari er settur um röskun á prógramminu vegna veðurs eða annarra ástæðna en alltaf stefnt á að klára tilskilinn fjölda af göngum.