Langbröltið eru krefjandi göngur og farið er meira á lengdina en bröttustu leiðirnar. Þó má búast við góðri hækkun í bland við ágætis vegalengdir enda eru dagsgöngurnar með hækkun upp á 750 til 1250 metra eins og sést í dagskránni. Það er því fjör framundan!
Alls eru 18 göngur á dagskrá í haust og auk þess hvetjum við til vikulegra Esjuæfinga og stingum upp á þriðjudagskvöldum eins og má sjá hér neðar. Þetta eru því fjölmargar göngur, sem er nauðsynlegt til að komast í gott form og líða vel í dagsgöngunum um helgar.
Búist er við að þátttakendur geti farið í krefjandi aðstæður út frá veðri og færð, og þarf hver og einn að eiga eða hafa aðgang að búnaði til samræmis. Keðjubroddar (Esjubroddar) eiga að duga í allar göngur en ekki er útilokað að það sé gott að hafa öxi og fjallabrodda þó ekki sé stefnt á það. Leiðsögufólk veitir leiðbeiningar um útbúnað og stofnaður er lokaður Facebook hópur þar sem hver ganga er kynnt og fjallað um aðstæður, hvernig við komumst á staðinn og fleira. Gert er ráð fyrir að hver og einn beri ábyrgð á að koma sér á staðinn en við stingum upp á stöðum til að hittast og sameinast í bíla. Sjá tengil á lokaða hópinn neðar í textanum.
Fararstjórn annast Einar Skúlason og Kristín Silja Guðlaugsdóttir auk annarra fararstjóra Vesens og vergangs.
DAGSKRÁ
Gengið er á fimmtudagskvöldum kl. 18 og farið í dagsgöngur um helgar og keyrt af stað kl. 8 og stundum aðeins fyrr. Stefnt er á dagsgöngur á þeim dögum sem merktir eru í dagskránni, en aðrir dagar eru til vara. Hver ganga er tilkynnt í lokaða hópnum með eins til þriggja daga fyrirvara og verða leiðir valdar með hliðsjón af veðurspá og færð. Auk þess er hvatt til þess að þátttakendur skelli sér upp að Steini síðdegis á þriðjudögum kl. 17:30 (eða eins og hentar).
HELGARGÖNGUR
• Umhverfis Jósepsdal 19 km/1250 m
• Elliðahamar og Elliðatindar 12 km/950 m
• Skyrtunna 17 km/1000 m
• Vörðuskeggi frá Hellisheiðarvirkjun 14 km/850 m
• Súlufell, Kyllisfell og Stapafell í Grafningi 14,5 km/750 m
KVÖLDGÖNGUR
• Nokkrar leiðir á Esju og nágrenni (allt frá Skálafelli og út á Lág-Esju, sunnan og norðan megin)
• Lengri leiðir á fellin í nágrenni höfuðborgarsvæðisins
• Bláfjallahryggur og nágrenni
• Hengill og nágrenni
• Nágrenni Kleifarvatns
Dagsetningarnar
1 Fimmtud 14-Aug-25 opin upphitunarganga
2 Fimmtud 21-Aug-25
3 Fimmtud 28-Aug-25
4 Fimmtud 04-Sep-25
5 Fimmtud 11-Sep-25
6 Laugard 13-Sep-25 Dagsganga
7 Fimmtud 18-Sep-25
8 Fimmtud 25-Sep-25
9 Laugard 04-Oct-25 Dagsganga
10 Fimmtud 09-Oct-25
11 Fimmtud 16-Oct-25
12 Laugard 25-Oct-25 Dagsganga
13 Fimmtud 30-Oct-25
14 Fimmtud 06-Nov-25
15 Fimmtud 13-Nov-25
16 Laugard 22-Nov-25 Dagsganga
17 Fimmtud 27-Nov-25
18 Laugard 06-Dec-25 Dagsganga
VERÐ OG BÓKANIR
- Verð í allt prógrammið kr. 69.000
- Verð í allt prógrammið með afslætti kr. 58.650
- Verð í einungis kvöldgöngurnar er kr. 45.000
- Verð í einungis dagsgöngurnar er kr. 32.000
- Verð fyrir bland í poka (tvær dagsgöngur og sjö kvöldgöngur að eigin vali) kr. 39.000
Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.
Þá er einnig mögulegt að greiða með millifærslu. Greiðsla jafngildir bókun og merkið færsluna „lang“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Lágmarksfjöldi í hópnum miðað við fjölda í 100% þátttöku er 20 en hámarksfjöldi 50.
Þegar bókun er lokið er hægt að sækja um aðgang að lokaða hópnum.
Afsláttarkjör: Þau sem voru skráð á Vesenisnámskeið í vor eða sumar 2025 eða eru elli-og örorkulífeyrisþega fá 15% afslátt. Veljið í bókunarferlinu.
Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Afsláttur er aðeins veittur af öllum pakkanum og ekki er hægt að leggja saman afslátt til að fá hærra (hámarksafsláttur á hvern er 15%).
SKILMÁLAR
Athugið að Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað. Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Fyrirvari er settur um röskun á prógramminu vegna Covid-19 eða hliðstæðra ástæðna eða veðurs en alltaf stefnt á að klára tilskilinn fjölda af göngum.
