Vesen og millibrölt er námskeið og æfingaáætlun sem passar fyrir þau sem fara gjarnan á Úlfarsfell eða sambærilegt og geta hugsað sér að fara víðar. Gert er ráð fyrir að þátttakendur bæti þolið og styrkist og æfi sig jafnframt í ólíkum aðstæðum á hinum ýmsu fellum og lægri fjöllum í nágrenni höfuðborgarsvæðisins. Smátt og smátt verða göngurnar örlítið erfiðari til að auka hæfnina og að auki er miðlað fróðleik um náttúru, umhverfi og útbúnað.
Hist er einu sinni í viku á miðvikudögum frá því í ágúst og öðru hvoru er sunnudagsganga og síðasta ganga er í byrjun aðventu. Flestar kvöldgöngur eru framan af til að nýta birtuna en dregur úr þeim þegar á líður. Miðað er við að ganga af stað kl. 18 á miðvikudögum og kl. 9 í helgargöngunni (fer þó eftir akstursvegalengd).

Alls verða 16 fjölbreyttar göngur á dagskrá og stefnt er á að fara aldrei sömu leið tvisvar í prógramminu þannig að þátttakendur kynnast mörgum leiðum og svæðum. Gert er ráð fyrir að þátttakendur æfi sig einnig á eigin vegum (með göngum eða annars konar hreyfingu) tvisvar í viku til að ná eðlilegum framförum.

Stofnaður hefur verið lokaður Facebook hópur fyrir þátttakendur og þar er tilkynnt um hverja göngu með eins til tveggja daga fyrirvara með hliðsjón af veðri og færð og miðlað ýmis konar fræðslu. Sjá tengil neðar á Facebook hópinn. Þátttakendur þurfa að eiga keðjubrodda (stundum kallaðir Esjubroddar) og höfuðljós fyrir þetta prógramm.

DAGSKRÁ

Dagskráin mótast af hópnum og veðri og aðstæðum. Við höfum valið að vera með potta af mögulegum göngum og svo veljum við úr þeim miðað við veður og aðstæður. Tilkynnt er um hverja göngu í lokaða hópnum með eins til tveggja daga fyrirvara og þar koma fram allar upplýsingar um gönguna og hvernig á að komast á staðinn. Við hittumst gjarnan í útjaðri höfuðborgarsvæðisins og deilum bílum að göngustað.

MIÐVIKUDAGSGÖNGUR: Þær göngur sem eru í potti fyrir virku kvöldin eru: Þríhnúkar og Haukafjöll, Eyrarfjall, Hengilssvæði, Jósepsdalur og Ólafsskarð, Litli – Meitill, Grímannsfell, Meðalfell, Selfjalls- og Lækjarbotnahringur, Esjuhlíðar, Bláfjallahryggur, Sveifluháls, Helgafell, Mosfell, Hafrahlíð, Búrfellsgjá, en ekki útilokað að eitthvað hér detti út og annað komi inn ef aðstæður kalla á það.

SUNNUDAGSGÖNGUR (stefnt á fjórar af eftirtöldum göngum):
• Drápuhlíðarfjall í Helgafellssveit 6 km/570 m
• Þríhyrningur við Fljótshlíð 7 km/650 m
• Ölfusvatnsfjöll og Lambhagi 9 km/350 m
• Dagmálafjall í Kjós 6 km/500 m
• Reykjafjall og Botnahnúkur 8 km/470 m

Dagsetningar fyrir göngurnar eru eftirtaldar:
1 Miðvikud 20-Aug-25 opin upphitunarganga
2 Sunnud 24-Aug-25 Dagsganga
3 Miðvikud 27-Aug-25
4 Miðvikud 03-Sep-25
5 Miðvikud 10-Sep-25
6 Miðvikud 17-Sep-25
7 Miðvikud 24-Sep-25
8 Miðvikud 01-Oct-25
9 Miðvikud 08-Oct-25
10 Sunnud 12-Oct-25 Dagsganga
11 Miðvikud 15-Oct-25
12 Miðvikud 22-Oct-25
13 Miðvikud 05-Nov-25
14 Sunnud 09-Nov-25 Dagsganga
15 Miðvikud 19-Nov-25
16 Sunnud 30-Nov-25 Dagsganga

TEYMIÐ

Teymið sem hefur umsjón með göngunum samanstendur af Einari Skúlasyni, Gunnari Gunnarssyni, Rakel, Kristínu Silju, Elísabetu Snædísi og fleirum úr Veseni og vergangi. Þau hafa öll mikla og fjölbreytta reynslu af fjallamennsku og að leiða hópa við ýmsar aðstæður í göngum.

VERÐ OG BÓKANIR

• Verð fyrir manninn í fullt prógramm er kr. 61.500.
• Einungis kvöldgöngur verð kr. 44.000.
• Einungis helgargöngur verð kr. 26.000.
• Verð fyrir bland í poka (sex kvöldgöngur og tvær dagsgöngur að eigin vali) kr. 38.000

Bókanir fara fram á https://www.sportabler.com/shop/vesenisferdir (þið smellið á tengilinn, skráið ykkur inn og veljið það námskeið sem passar, greiðið og þá er allt klappað og klárt). Hægt er að prenta út kvittun í kerfinu og nýta til niðurgreiðslu stéttarfélags- eða vinnustaðar. Athugið að færslur frá bókunarkerfinu á bankareikningi eru merkt sem „æfingagjöld“.

Þá er einnig mögulegt að greiða með millifærslu. Greiðsla jafngildir bókun og merkið færsluna miðvikud. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.
Lágmarksfjöldi í hópnum miðað við fólk í fullu prógrammi er 20 en hámarksfjöldi 50.

Þegar bókun er lokið er hægt að sækja um aðgang að lokaða hópnum á Facebook (hópur er sameiginlegur með þriðjudagshópi): https://www.facebook.com/groups/870504525067256

Afsláttarkjör: Þau sem voru skráð á Vesenisnámskeið í vor eða sumar 2025 eða til elli-og örorkulífeyrisþega. Veljið í bókunarferlinu.
Hægt er að sækja um fjölskylduafslátt sem virkar þannig að meðlimur í fjölskyldu nr 2 með sama lögheimili fær 15% afslátt. Látið vita á einarskula@hotmail.com.
Ekki er hægt að leggja saman afslátt til að fá hærra (hámarksafsláttur á hvern er 15%) og athugið að afsláttarkjör eru einungis í heildarpakka ekki ef valdar eru bara kvöldgöngur eða bara dagsgöngur.

SKILMÁLAR

Athugið að Vesen og vergangur (Vesenisferðir ehf) tryggir hvorki farþega sína né farangur þeirra. Þátttakendur ferðast með á eigin ábyrgð. Félagið hvetur fólk til að kaupa ferða- og slysatryggingar, vera vel útbúið og kynna sér veður áður en lagt er af stað. Athugið að námskeiðsgjald fæst ekki endurgreitt eftir að námskeið er hafið en hægt er að framselja það til annars.
Fyrirvari er settur um röskun á prógramminu vegna Covid-19 eða hliðstæðra ástæðna eða veðurs en alltaf stefnt á að klára tilskilinn fjölda af göngum.