Frá stofnun Vesens og vergangs höfum við yfirleitt farið árlega ferð um Kattartjarnaleiðina og þetta er líklega þrettánda árið sem Vesenisferð er auglýst um þessa fallegu leið sem við förum nú laugardaginn 13. júní. Það er gaman að segja frá því að hún var í fyrsta sinn kölluð Kattartjarnaleið á vettvangi Vesens og vergangs.

LÝSING Á LEIÐINNI
Gengið er upp með Ölfusvatnsánni og hún vaðin (þægilegt er að vera vaðskó meðferðis, t.d. gamla strigaskó eða crocs). Ölfusvatnsárgljúfrin innihalda fjölbreyttar bergmyndanir, útskot og klettastalla sem gaman er að virða fyrir sér á leiðinni. Svo förum við um fallegt Tindgilið austan megin við Hrómundartind, tökum á okkur krók til að sjá Kattartjarnir og förum svo meðfram Álftatjörn og neðan við Dalaskarðshnúk með útsýni yfir Reykjadal og um Dalaskarð upp á Dalafell til að athuga enn betur með útsýnið. Þaðan yfir Dalafellið og niður Grændalsmegin og göngum undir Eggjum og um falleg hverasvæði þangað til við komum að Grændalsánni rétt ofan við Þrengsli og þaðan niður á Reykjadalsbílastæðið. Að sjálfsögðu verður sagt frá ýmsu athyglisverðu á leiðinni og af nógu að taka.

VEGALENGD OG TÍMI
Vegalengd göngu er ca 16,5 km og uppsöfnuð hækkun á leiðinni er ca 500 m. Göngutími með stoppum er ca 6 tímar.

Þessi ganga verður laugardaginn 13. júní. Til vara er sunnudagurinn ef veður reynist slæmt á laugardeginum. Gert er ráð fyrir að ganga af stað Grafningsmegin. Ef vindur blæs að sunnan eða austan þá gæti göngu verið snúið við til að hafa vindinn í bakið.

Gert er ráð fyrir að þátttakendur séu í æfingu til að takast á við svona göngu. Gott er að miða við að geta farið upp að Steini í sumarfæri á klukkutíma.

BROTTFARARSTAÐUR
Brottför frá Hádegismóum kl. 8:30 (fólk leggur bílum á bak við prentsmiðju Morgunblaðsins).

Rútan skutlar okkur að upphafsstað og sækir okkur á áfangastað. Hægt er að geyma aukadót eins og t.d. skó, sokka eða önnur föt eða aukanesti í rútunni á meðan við göngum og því hægt að komast í það aftur þegar við komum að rútunni í lokin. Við getum gert ráð fyrir að koma síðdegis (um fimmleytið) í bæinn eftir göngu.

VERÐ OG BÓKANIR

Verð í ferðina er kr. 17.000 m/vsk

Innifalið er rútuferðin fram og til baka frá Reykjavík og leiðsögn.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn, veljið greiðslufyrirkomulag og þá er allt klappað og klárt). Það er hægt að dreifa greiðslum á nokkra mánuði og enginn vaxtakostnaður af slíkum ráðstöfunum í sportabler. Ef þið lendið í vandræðum með innskráningu þá eru leiðbeiningar hér.

Þá er einnig mögulegt að greiða með millifærslu. Greiðsla jafngildir bókun og merkið færsluna „Kattar“. Greiðið inn á reikning 0515-26-530314 kt. 530314-0650 og sendið staðfestingu á einarskula@hotmail.com.

Lágmarksfjöldi 20 manns og hámarksfjöldi 35 manns.

SKILMÁLAR
Ígildi staðfestingargjalds í þessa ferð er kr. 3.000 og er hluti af verði ferðarinnar. Aldrei er hægt að fá staðfestingargjald endurgreitt en hægt er að framselja bókunina/sætið til nýs farþega ef fargjald hefur verið að fullu greitt áður og fylgir þá staðfestingargjaldið með. Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:

Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.

Afbókun 20-8 dögum fyrir brottför: 50% fargjalds endurgreidd.

Afbókun 7-4 dögum fyrir brottför: 25% fargjalds endurgreidd.

Afbókun 3-0 dögum fyrir brottför: Engin endurgreiðsla.

Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef ferðin er felld niður er hún endurgreidd.

Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Helgina 10.- 12. júlí ætlum við að kíkja austur í Þakgil og ganga skemmtilegar leiðir. Margir hafa komið á þennan fallega gististað en færri hafa gengið um alla þessa dali, hálsa, gil og hvað þá í grennd við Mýrdalsjökulinn.
Við stefnum á kvöldgöngu á föstudeginum, góða dagsgöngu á laugardeginum og tvær göngur á sunnudeginum áður en við förum heim á leið. Hægt er að taka þátt í öllum göngunum eða sleppa einhverjum göngum allt eftir því hvað hverjum og einum hentar.
Gengið er með dagpoka. Val er um að gista í tjaldi á tjaldsvæðinu í Þakgili eða nýta aðra gistimöguleika í nágrenninu. Hægt er að bóka gistingu í smáhýsunum í Þakgili og einnig kæmi til greina að gista t.d. á Hótel Kötlu við Höfðabrekku en þaðan er um 40 mínútna akstur í Þakgil. Athugið að hver og einn þarf að bóka sína eigin gistingu og er gisting ekki innifalin í verðinu. Leiðsögn annast Kristín Silja Guðlaugsdóttir.

DAGSKRÁ

Föstudagurinn 10. júlí – kvöldganga
Við komum saman í Þakgili og kl. 17 sameinumst við í bíla og keyrum í fimm til tíu mínútur, leggjum bílunum og göngum af stað. Leiðin liggur annars vegar í Remundargilið þar sem sjá má glæsilegan foss og svo göngum við til baka og upp á útsýnisstað við Vatnsrásarhöfuð þar sem sést yfir að Hafursey og í áttina að jöklinum.
Vegalengd er ca 8 km og uppsöfnuð hækkun ca 440 m. Göngutími er ca 3 tímar.

Laugardagurinn 11. júlí – dagsganga
Þennan dag ætlum við að ganga fallega leið uppeftir þar sem við sjáum græna dali, gil og mela og jökulinn. Við göngum að Miðfellshelli þar sem gangnamenn lágu við á haustin. Svo byrjar hækkunin smátt og smátt upp Miðafrétt austan Miðtungugils og inn að fossinum Leyni. Þá upp Skerin þar sem er staldrað við góða stund til að fylgjast með fallegu sjónarspili þar sem stór ísstykki hrynja og fossar falla niður í lægðina þar sem Huldujökull er. Þaðan er farið niður Austurafrétt um Árbotna og Vestureggjar og aftur inn í Þakgil.
Vegalengd er ca 16-17 km og uppsöfnuð hækkun um 800 m. Göngutími ca. 6-8 tímar.

Sunnudagurinn 12. júlí – tvær styttri göngur
Gert er ráð fyrir að fólk pakki saman og svo er keyrt í halarófu niður á þjóðveg. Þennan dag ætlum við að ganga á tvö fell á Mýrdalssandi. Annars vegar Hjörleifshöfða og hins vegar Hafursey.

Hjörleifshöfði er móbergshryggur á suðvestanverðum Mýrdalssandi og nafn hans tengist Hjörleifi fóstbróður Ingólfs Arnarsonar eins og segir í Landnámu. Við göngum frá bílastæðinu upp að Hjörleifshaugi og þaðan niður Hjörleifshraun og fram á brún Bæjarbrekku við gamla bæjarstæðið. Þar sést vel yfir sandflæmið niður að strönd. Við göngum til baka niður Klifið og inn með rótum Sláttubrekku að upphafsstað. Vegalengd ca 4 km og uppsöfnuð hækkun ca 240 m. Göngutími ca 2 tímar.

Við keyrum svo um ca 20 mín vegalengd að Hafursey, sem er móbergsfjall á ofanverðum Mýrdalssandi, að nokkru klofið í tvennt af svonefndu Klofgili. Vestan gilsins er áfangastaður okkar Skálarfjall (582 m) og gert er ráð fyrir að ganga sömu leið fram og til baka. Af toppnum er óviðjafnanlegt útsýni til allra átta og munum við m.a. sjá yfir göngusvæði laugardagsins frá nýju sjónarhorni. Vegalengd ca 5 km og uppsöfnuð hækkun um 480 m. Göngutími ca 3 tímar.

ÆFINGAR
Gönguleiðirnar eru á færi flestra, þó er nauðsynlegt að vera í góðu gönguformi sérstaklega fyrir göngu laugardagsins. Æfingar geta falið í sér til dæmis að taka vikulegar göngur með dagpoka á bakinu upp að Steini í Esju og tvær ferðir á Úlfarsfell – ef þið gerið sex svona sett þá munið þið njóta þess að fara í svona ferð.

UNDIRBÚNINGSFUNDUR
Haldinn verður undirbúningsfundur í gegnum Zoom í apríl/maí þar sem farið verður nánar í ferðaáætlunina, útbúnað, undirbúning og fleira. Enginn matur er innifalinn í verðinu en ef áhugi er fyrir hendi væri hægt að sameinast um að grilla á laugardagskvöldinu. Einnig væri hægt að sameinast á kvöldvöku og njóta saman kyrrðarinnar í hinu stórkostlega Þakgili á laugardagskvöldinu.

VERÐ OG BÓKANIR

Verð kr. 31.000 á mann m/vsk

Innifalið: undirbúningsfundur, skipulagning og leiðsögn.

Athugið að þátttakendur mæta á eigin bílum, en við munum skipuleggja sameiningu í bíla.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn, veljið greiðslufyrirkomulag og þá er allt klappað og klárt). Það er hægt að dreifa greiðslum á nokkra mánuði.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 6.100 inn á reikning: 515-26-530314. Kt. 530314-0650. Senda afrit á einarskula@hotmail.com og merkja lonsoraefifyrri. Muna að fullgreiða sex vikum fyrir brottför (29. maí).

Þegar búið er að bóka ferð er hægt að sækja um aðild að lokaða hópnum. Þar verða margvíslegar upplýsingar fyrir ferð.:
Hámarksfjöldi í ferðina er 30 manns. Lágmarksfjöldi 10 manns.

SKILMÁLAR
Ígildi staðfestingargjalds í þessa ferð er kr. 6.100 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (30. maí). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Við ætlum í fjögurra daga göngu um Dalastíg, sem er nýleg gönguleið á fallegum en fáförnum slóðum að Fjallabaki vestanverðu. Þarna eru ekki breiðir stígar eins og á Laugaveginum, en yfirleitt eru kindagötur, reiðleiðir eða slíkir slóðar og stundum jeppaslóðar. Þetta er mjög fallegt umhverfi og mikið um móberg, ljós rýólítfjöll og jarðhitinn hefur víða sett mark sitt. Svartir sandar og gróðursnauðir melar eru áberandi en gróðurvinjar eru fallegar þar sem þær hafa náð að myndast. Við munum sjá stórkostlega staði, landslag og í heild er þetta veisla fyrir augað. Við gistum í skálum og gangan verður trússuð. Í erfiðleikastigi er þetta svipað og að ganga Laugaveginn.

DAGSKRÁ
Haldinn verður undirbúningsfundur í maí þar sem fjallað verður nánar um dagleiðirnar, um útbúnað, matarmálin og fyrirkomulag að öðru leyti. Fararstjórn er í höndum Einars Skúlasonar.

Fimmtudagur 23. júlí: Rauðufossar – Augað – Svartikambur – Reykjadalur – Dalakofi
Við komum saman snemma morguns á höfuðborgarsvæðinu og komum trússi fyrir í trússkerru og tökum svo rútu austur. Við hefjum göngu við Dómadalsleið neðan Rauðufossa og göngum prýðisgóðan stíg upp að Auganu, hinni sérkennilega uppsprettu Rauðufossakvíslar. Þaðan göngum við upp á Svartakamb og handan hans niður í Reykjadali og sjáum jarðhitasvæði á leiðinni. Að endingu förum við um Reykjadali, yfir Blautukvísl og að Dalakofanum þar sem við gistum og þar verður kerran með farangrinum. Vegalengd 15 km og ca 500 m hækkun.

Föstudagur 24. júlí: meðfram Markarfljóti – Laufafell – Laufahraun – Skyggnisvatn – Hungurfit
Frá Dalakofa er gengið með Markarfljóti og staldrað við hjá mjög fallegum fossi og gíg sem er þar skammt hjá. Svo er gengið austan megin við Laufafell og niður í Laufahraun, þar sem Laufavatn er í fallegu umhverfi. Þaðan er gengið meðfram Skyggnisvatni og um Skyggnishlíðar og að endingu að skálanum í Hungurfitjum þar sem við gistum. Þetta er þægileg leið til göngu og maður finnur því ekki eins fyrir vegalengdinni. Vegalengd 24 km og 400 m hækkun (meiri lækkun).

Laugardagur 25. júlí: Sultarfell – Mófellsbætur – Lifrarfjöll – Þverárgil – Mosar
Leiðin liggur meðfram Sultarfelli og Hvítmögu, framhjá Kringlumýri, við vöðum Hvítmögu, göngum um hlíðar Mófellsbóta, förum útsýnisleið yfir Lifrarfjöll og niður í Þverárgil þar sem við kíkjum á gangnamannahelli og þá fer að styttast í skálann Mosa við Markarfljót þar sem við gistum. Vegalengd ca 15 km og uppsöfnuð hækkun rúmir 450 m.

Sunnudagur 26. júlí: Hattgil – Markarfljótsgljúfur – Botnaskáli í Emstrum – Almenningar – Þórsmörk
Við förum um Hattgil niður að Markarfljótsgljúfrum og göngum meðfram þeim og svo inn að Botnum og þá erum við komin inn á Laugaveginn. Við fylgjum svo Laugaveginum í Þórsmörk. Fyrst er það um Syðri-Emstruárgljúfur og suður Almenninga. Slyppugil og Bjórgil verða á vegi okkar og handan við Kápu er vaðið yfir Þröngá. Að lokum er gengið í skóglendinu niður í Húsadal. Við verðum sótt þangað seinnipartinn og komum í bæinn um kvöldið. Vegalengd ca 23 km og uppsöfnuð hækkun ca 500 m (meiri lækkun).

UNDIRBÚNINGUR
Það er mikilvægt að æfa sig fyrir ferðina enda eru þetta fjórir göngudagar í röð og vöðvar og liðir þurfa að vera tilbúnir til að takast á við álag dag eftir dag. Takið einhvers konar prógramm vikurnar fyrir ferð með góðri hækkun. Það má til dæmis taka tvær ferðir á viku upp að Steini í Esju í nokkrar vikur fyrir ferð. Miða skal við að vera ekki lengur en klukkutíma og tíu mínútur að ná upp að Steini og líða þá vel og vera til í að ganga lengra upp. Góð æfing eykur ánægju af ferðinni.

TRÚSS
Farangur er fluttur á milli náttstaða, svo að þátttakendur þurfa aðeins að bera dagpoka með nesti og hlífðarfötum. Þótt ferðirnar séu trússferðir er gott að hafa í huga að trússbíllinn er ekki mjög stór. Því skal takmarka umfang þess farangurs sem tekinn er með. Ágætt er að taka ekki mikið meira með en í ferð með allt á bakinu.

VERÐ OG BÓKANIR

Í skála kostar ferðin kr. 110.000 á mann m/vsk (innifalið staðfestingargjald)
Í tjaldi kostar ferðin kr. 90.000 á mann m/vsk (innifalið staðfestingargjald)

Innifalið: rúta, trúss, skálagisting í þrjár nætur (eða tjaldsvæði), hafragrautur og kaffi á morgnana, skipulagning og leiðsögn.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Athugið að það er ekki í boði að bóka ferð með því að greiða einungis staðfestingargjald. Það er hins vegar hægt að dreifa greiðslum á nokkra mánuði.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 12.500 inn á reikning: 515-26-530314. Kt. 530314-0650. Senda afrit á einarskula@hotmail.com og merkja “dalaskali” eða “dalatjald”. Muna að fullgreiða sex vikum fyrir brottför (11. júní).
Hámarksfjöldi í ferðinni er 30 og lágmarksfjöldi 15.

SKILMÁLAR

Ígildi staðfestingargjalds í þessa ferð er kr. 12.500 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (11. júní). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Dagana 11.-14. júlí munum við fara um hin stórkostlegu Lónsöræfi í fjögurra daga gönguferð þar sem skriðjöklar, djúp gil og þröngir dalir blandast saman við litadýrð og fjölbreyttar klettamyndanir. Þetta er fyrri ferðin af tveimur um þetta fallega svæði.
Gengið verður af stað frá Sauðárvatni um efstu drög Víðidals og að Kollumúlavatni þar sem við gistum í tvær nætur og göngum um Víðidal og Tröllakróka. Þaðan göngum við niður í Múlaskála og tökum göngu um hin litríku Víðibrekkusker. Síðasta göngudag er gengið með Jökulsá niður í Lón. Gist verður í skálum og kvöldmatur ásamt hafragraut og kaffi á morgnana innifalinn í verði og því er bakpoki mun léttari en í hefðbundnum ferðum með allt á bakinu.

Leiðsögn er í höndum Einars Skúlasonar sem hefur leiðsagt margoft um Lónsöræfi og víða um land.

DAGSKRÁ

Föstudagurinn 10. júlí – Aðdragandi ferðar
Athugið að vera komin austur í Lón eða nágrenni föstudagskvöldið 10. júlí. Búið er að bóka gistingu á Stafafelli fyrir þau sem vilja og hægt að vera í uppbúnu eða í svefnpokaplássi (ekki innifalið). Stefnum á að skutla bílum í Smiðjunes um kvöldið.

Laugardagur 11. júlí – Sauðárvatn og Egilssel
Rúta frá Stafafell í Lóni kl. 8 og ekið upp á Hérað og á Fljótsdalsheiði. Hefjum gönguferðina skammt vestan við Sauðárvatn og göngum gamla varðaða leið niður í Víðidalsdrög og að Kollumúlavatni þar sem skálinn Egilssel er og gistum þar næstu tvær nætur. Við eldum okkur sameiginlegan kvöldmat og höldum kvöldvöku. Vegalengd göngu 17,5 km og ca 500 m heildarhækkun.

Sunnudagur 12. júlí – Víðidalur og Tröllakrókar
Um morguninn göngum við niður í Víðidal, skoðum Náttmálafoss og tóftir Grundar þar sem búið var um skeið á 19. öld. Fáum okkur hádegishressingu í skálanum. Svo göngum við að Tröllakrókum og á Tröllakrókahnaus og njótum stórkostlegs útsýnis. Sameiginlegur kvöldmatur og kvöldvaka um kvöldið. Gangan í Víðidal er um 5 km og 350 m heildarhækkun. Gangan í Tröllakróka er um 9 km og ca 350 m heildarhækkun.

Mánudagur 13. júlí – Múlaskáli og Víðibrekkusker
Eftir frágang skálans í Egilsseli þá göngum við niður að Múlaskála á bökkum Jökulsár. Þar léttum við bakpokana og öxlum þá aftur með nesti í dagsgöngu upp að Víðibrekkuskerjum. Sameiginlegur matur um kvöldið og kvöldvaka. Vegalengd niður að Múlaskála er 7,5 km og 200 m heildarhækkun (mun meiri lækkun).
Víðibrekkuskerjahringur með Víðagili er ca 10 km og 850 m heildarhækkun (gætum sleppt Víðagili og stytt leiðina aðeins).

Þriðjudagurinn 14. júlí – Til byggða
Göngum frá Múlaskáli upp á Illakamb og sem leið liggur í Gvendarnes/Smiðjunes. Þetta er talsvert löng dagleið og auk þess mikið upp og niður en áfram fylgir litadýrðin okkur og gróðurflesjur. Vegalengd ca 19-21 km og ca 750-900 m heildarhækkun (fer eftir því hvar bílarnir verða).

UNDIRBÚNINGUR
Það er nauðsynlegt að undirbúa sig vel líkamlega fyrir gönguna með æfingum með bakpoka. Taka þarf æfingagöngur með góðri hækkun og hafa nokkur kíló í bakpokanum. Nánar verður farið yfir útbúnað og fyrirkomulag á undirbúningsfundinum sem verður haldinn í vor.

VERÐ OG BÓKANIR

Verð kr. 87.000 á mann m/vsk

Innifalið: rúta, skálagisting í þrjár nætur með svefnpokaleigu (takið með lakpoka), hafragrautur og kaffi á morgnana og kvöldmatur öll kvöldin (maturinn verður að miklu leyti kominn í skálana), skipulagning og leiðsögn.
Þess má geta að öll þurfa að hjálpast að við eldamennsku, frágang, vatnsburð, kyndingu og fleira í tengslum við skálagistinguna. Fólk sér sjálft um nesti. Það er ekki hægt að vera með trúss á þessari leið. Athugið að fyrir þau sem eru í tjaldi þá er tjaldsvæði og aðstöðugjald í skála innifalið.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Það er hægt að dreifa greiðslum á nokkra mánuði. Ef þið lendið í vandræðum með innskráningu þá eru leiðbeiningar hér.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 14.000 inn á reikning: 515-26-530314. Kt. 530314-0650. Senda afrit á einarskula@hotmail.com og merkja lonsoraefi1. Muna að fullgreiða sex vikum fyrir brottför (30. maí).

Þegar búið er að bóka ferð er hægt að sækja um aðild að lokaða hópnum. Þar verða margvíslegar upplýsingar fyrir ferð.
Hámarksfjöldi í ferðina er 19 manns. Lágmarksfjöldi 12 manns.

SKILMÁLAR

Ígildi staðfestingargjalds í þessa ferð er kr. 14.000 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (30. maí). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

Dagana 17.-20. júlí munum við fara um hin stórkostlegu Lónsöræfi í fjögurra daga gönguferð þar sem skriðjöklar, djúp gil og þröngir dalir blandast saman við litadýrð og fjölbreyttar klettamyndanir. Þetta er seinni ferðin okkar í sumar um þetta fallega svæði.
Gengið verður af stað frá Sauðárvatni um efstu drög Víðidals og að Kollumúlavatni þar sem við gistum í tvær nætur og göngum um Víðidal og Tröllakróka. Þaðan göngum við niður í Múlaskála og tökum göngu um hin litríku Víðibrekkusker. Síðasta göngudag er gengið með Jökulsá niður í Lón. Gist verður í skálum og kvöldmatur ásamt hafragraut og kaffi á morgnana innifalinn í verði og því er bakpoki mun léttari en í hefðbundnum ferðum með allt á bakinu.

Leiðsögn er í höndum Einars Skúlasonar sem hefur leiðsagt margoft um Lónsöræfi og víða um land.

DAGSKRÁ

Fimmtudagurinn 16. júlí – Aðdragandi ferðar

Athugið að vera komin austur í Lón eða nágrenni föstudagskvöldið 10. júlí. Búið er að bóka gistingu á Stafafelli fyrir þau sem vilja og hægt að vera í uppbúnu eða í svefnpokaplássi (ekki innifalið). Stefnum á að skutla bílum í Smiðjunes um kvöldið.

Föstudagurinn 17. júlí – Sauðárvatn og Egilssel

Rúta frá Stafafell í Lóni kl. 8 og ekið upp á Hérað og á Fljótsdalsheiði. Hefjum gönguferðina skammt vestan við Sauðárvatn og göngum gamla varðaða leið niður í Víðidalsdrög og að Kollumúlavatni þar sem skálinn Egilssel er og gistum þar næstu tvær nætur. Við eldum okkur sameiginlegan kvöldmat og höldum kvöldvöku. Vegalengd göngu 17,5 km og ca 500 m heildarhækkun.

Laugardagurinn 18. júlí – Víðidalur og Tröllakrókar

Um morguninn göngum við niður í Víðidal, skoðum Náttmálafoss og tóftir Grundar þar sem búið var um skeið á 19. öld. Fáum okkur hádegishressingu í skálanum. Svo göngum við að Tröllakrókum og á Tröllakrókahnaus og njótum stórkostlegs útsýnis. Sameiginlegur kvöldmatur og kvöldvaka um kvöldið. Gangan í Víðidal er um 5 km og 350 m heildarhækkun. Gangan í Tröllakróka er um 9 km og ca 350 m heildarhækkun.

Sunnudagurinn 19. júlí – Múlaskáli og Víðibrekkusker

Eftir frágang skálans í Egilsseli þá göngum við niður að Múlaskála á bökkum Jökulsár. Þar léttum við bakpokana og öxlum þá aftur með nesti í dagsgöngu upp að Víðibrekkuskerjum. Sameiginlegur matur um kvöldið og kvöldvaka. Vegalengd niður að Múlaskála er 7,5 km og 200 m heildarhækkun (mun meiri lækkun).
Víðibrekkuskerjahringur með Víðagili er ca 10 km og 850 m heildarhækkun (gætum sleppt Víðagili og stytt leiðina aðeins).

Mánudagurinn 20. júlí – Til byggða

Göngum frá Múlaskáli upp á Illakamb og sem leið liggur í Gvendarnes/Smiðjunes. Þetta er talsvert löng dagleið og auk þess mikið upp og niður en áfram fylgir litadýrðin okkur og gróðurflesjur. Vegalengd ca 19-21 km og ca 750-900 m heildarhækkun (fer eftir því hvar bílarnir verða).

UNDIRBÚNINGUR
Það er nauðsynlegt að undirbúa sig vel líkamlega fyrir gönguna með æfingum með bakpoka. Taka þarf æfingagöngur með góðri hækkun og hafa nokkur kíló í bakpokanum. Nánar verður farið yfir útbúnað og fyrirkomulag á undirbúningsfundinum sem verður haldinn í vor.

VERÐ OG BÓKANIR

Verð kr. 87.000 á mann m/vsk

Innifalið: rúta, skálagisting í þrjár nætur með svefnpokaleigu (takið með lakpoka), hafragrautur og kaffi á morgnana og kvöldmatur öll kvöldin (maturinn verður að miklu leyti kominn í skálana), skipulagning og leiðsögn.
Þess má geta að öll þurfa að hjálpast að við eldamennsku, frágang, vatnsburð, kyndingu og fleira í tengslum við skálagistinguna. Fólk sér sjálft um nesti. Það er ekki hægt að vera með trúss á þessari leið. Athugið að fyrir þau sem eru í tjaldi þá er tjaldsvæði og aðstöðugjald í skála innifalið.

Bókanir fara fram á https://www.sportabler.com/shop/vesenisferdir (þið afritið tengilinn og setjið í vafra, skráið ykkur inn og veljið þá gistingu sem passar, veljið greiðslufyrirkomulag og þá er allt klappað og klárt). Það er hægt að dreifa greiðslum á nokkra mánuði. Ef þið lendið í vandræðum með innskráningu þá eru leiðbeiningar hér.
Millifærsla: Athugið að ef bókunarkerfið þvælist fyrir ykkur er hægt að taka frá pláss í ferðina með því að greiða staðfestingargjald kr. 14.100 inn á reikning: 515-26-530314. Kt. 530314-0650. Senda afrit á einarskula@hotmail.com og merkja lonsoraefiseinni. Muna að fullgreiða sex vikum fyrir brottför (5. júní).

Þegar búið er að bóka ferð er hægt að sækja um aðild að lokaða hópnum. Þar verða margvíslegar upplýsingar fyrir ferð.
Hámarksfjöldi í ferðina er 19 manns. Lágmarksfjöldi 12 manns.

SKILMÁLAR

Ígildi staðfestingargjalds í þessa ferð er kr. 14.100 og er innifalið í heildarverði ferðarinnar. Aldrei er hægt að fá staðfestingargjald endurgreitt en hægt er að framselja fullgreidda ferð til nýs farþega sem kemur inn og tekur sætið og fylgir þá staðfestingargjaldið með (ferðin þarf að hafa verið greidd að fullu áður).
Fargjald þarf að greiða að fullu a.m.k. 6 vikum fyrir brottför (5. júní). Ef greiðsla hefur ekki borist innan settra tímamarka má búast við að ferðin verði seld öðrum.

Um afbókanir gilda annars eftirfarandi reglur:
Afbókun innan 7 daga frá bókun og meira en 21 degi fyrir brottför: Ferð endurgreidd að staðfestingargjaldi frátöldu.
Afbókun 20-8 dögum fyrir brottför: 50% fargjalds endurgreidd.
Afbókun 7-4 dögum fyrir brottför: 25% fargjalds endurgreidd.
Afbókun 3 dögum fyrir brottför og fram að ferð: Engin endurgreiðsla.
Breytingar: Áskilinn er réttur til að hætta við, fresta ferð eða breyta áætlun vegna veðurs eða annarra utanaðkomandi aðstæðna, svo og ef ekki fæst næg þátttaka. Ef þarf að fella niður ferð er full endurgreiðsla.
Tryggingar: Tryggingar eru fyrir hendi eins og ferðaskrifstofuleyfi gerir ráð fyrir. Farþegar eru engu að síður hvattir til að huga að tryggingarmálum og hafa ferða- og slysatryggingar í lagi.

• Dagsgöngur meira brölts kr. 32.000
• Dagsgöngur og fimmtudagar að auki með langbrölti kr. 69.000